ریفراندۆندۆم و دراوسێکانی بەغدا

0

نوچەنێت-من و تو

کەمتر لە دە رۆژی دیکە ریفراندۆم بۆ سەربەخۆیی هەرێمی کوردستان بەڕێوە دەچێت.

هەر چٶنێک بێت تا لە 25ی سێپتەمبەر نزیک دەبینەوە، هەڵوێستی بەغدا و وڵاتانی دراوسێی هەرێم سەبارەت بە پرسی ریفراندۆم راشکاوانەتر و روونتر دەبێتەوە.

پەرلمانی عێراق دەنگی دژایتەی خۆی لە گەڵ ئەنجامدانی ریفراندۆم خستۆتەڕوو. ئەندامانی پەرلمان کۆدەنگن لە سەر ئەوەی، کە ئەم گشتپرسییە هەڕەشەیەکی جددییە بۆ سەر یەکپارچەیی عێراقی و هەنگاوێکە لە دژی دەستوری وڵات.

پەرلمان هەروەها لە بەیانێک دا داوای لە سەرۆکوەیزان کرد، کە هەموو رێوشوێنێک بۆ پاراستنی یەکپارچەیی خاک و خەڵکی عێراق بگرێتە بەردەم.

حەیدەر عەبادی وێڕای ئەوەی، کە دەنگی خۆی خستە پاڵ ئەم بڕیارەی پەرلمان، خوازیاری پاراستنی ئەمن و ئاسایشی وڵات و کۆتایی هێنان بەم کێشە بووە. عەبادی لە نوێترین هەڵوێستیدا هۆشداری دا ئەگەر ریفراندۆم توندوتیژی لێبکەوێتەوە، ئامادەن بە رێگەی سەربازی دەستوەردان بکەن.

لەو دیوی سنوورەکانەوە. تورکیا پێشوازی لەم بڕیارەی پەرلمانی عێراق کرد. پێشتر تاران و دیمەشق، بە ئاشرا رایانگەیاندووە، کە ئەم پرسە واتە ریفراندۆن،بە تایبەتی و لە کاتێکدا کە داعش لە ناوچەکە جێگیرە،تەنها دەبێتە هۆی بەهێزبوونی گروپە تیرۆریستیەکان  ولاوازکردنی یەکگرتوویی بەرەکانی ئامادە لە گۆڕەپانی سەربازی ناوچەکە.

چاودێرانی سیاسی پێێان وایە، بە دەر لە یەکگرتوویی وڵاتانی دراوسێی عێراق بەرامبەر بە پرسی ریفراندۆم، ئەم وڵاتە هاوکات نیگەرانی سەرهەڵدانی پرۆسەیەکی هاوشێوەی لە ناوچە کوردنشینەکان ژێر دەسەڵاتی خۆیانن. زیاتر لە هەموو کاتێک، لە گەڵ حەیدەر عەبادی و روانگەی ناوبراو بۆ پرسی ریفراندۆم بۆ سەربەخۆیی کوردستان هاوڕا و هاوئاراستەن.

جەیمز ماتیس، وەزیری بەرگری ئەمریکا، بۆ کەم کردنەوەی ئاڵۆزییەکان، داوای لە بەرپرسانی عێراقی کردووە، تا لە هەر جۆرە کردەوەیەکی دنەدەرانە خۆبەدوور بگرن و ئەولەوییەت بە شەڕی داعش بدەن.

سەرباری هەموو ئەم دژایەتیانە،مەسعود بارزانی،سەرۆکی هەرێمی کوردستان لە هەژماری تویتەری خۆیدا جەختی لە سەر هەڵبژاردنێکی دینوکراتی کردۆتەوە و رایگەیاندووە کە ئەم ریفراندۆمە ناکەوێتە خانەی دژایەتی هیچ لایەنێک بگرە بەغداش.

بارزانی،لە میتینگ و کەمپەینەکانی ریفراندۆم جەختی لە رێدانان بۆ رای گشتیی کوردستان کردۆتەوە و دەشلێت ئەم ریفراندۆمە نابێ وەک دژایەتیکردنی هیچ وڵاتێک لێک بدرێتەوە.

لە گەرمەی ئەم مشتومڕ و ئاڵۆزیانەدا، بنیامین نەتانیاهۆ، سەرۆکوەیزرانی ئیسرائیل دەنگی خۆی خستۆتە پاڵ دەنگی بارزانی.

شرۆڤەکاران دەڵێن، سەرباری ئەوەی، کە پشتیوانی تەلئەبیب لە هەرێمی کوردستان و بزووتنەوکەی، مێژوویەکی دوورودرێژی هەیە، هاوکات دەتوانێ مانۆڕی هێزێکی ئیسرائیل بێت بەرامبەر بە حکومەتەکان لە تاران و بەغدا و دیمەشق، بە تایبەتی، کە ئێڕان شەڕێکی بەوەکالەتی لە دژی تەل ئەبیب راگەیاندووە و لەم بەرەیەدا لە پێشڕوەیدایە.

دەبێ چاوەڕێ بکرێ تاکوو بزانرێت مەسعود بازرانی، لە نێوان ئەم هەڕەشانە، چۆن و بە چ شێوەیەک هەلەکان دەقوازێتەوە.

Share.

About Author

بوچون نوسین داخراوە.

Social Media Auto Publish Powered By : XYZScripts.com