ئەنجومەنی ئاسایشی کوردستان: هێزە عێراقییەکان ئامادەکاری بۆ هێرشی گەورە دەکەن

0

نوچەنێت

ئەنجومەنی ئاسایشی کوردستان رایدەگەیەنێت، پەیامی مەترسیدارمان لە هێزە عێراقییەکانەوە پێدەگات و ئامادەکاری بۆ هێرشی گەورە دەکەن.

ئەنجومەنی ئاسایشی هەرێمی کوردستان رایگەیاند، پەیامی مەترسیدارمان لە هێزە عێراقییەکانەوە پێدەگات، لەنێویاندا حەشدی شەعبی و پۆلیسی فیدراڵی، کە ئامادەکاری دەکەن بۆ هێرشی گەورە بۆ سەر کوردستان لە باشوور و رۆژئاوای کەرکوک و باکووری موسڵەوە.

ئەوەش لەکاتێکدایە، لە کۆبوونەوەی ئەمڕۆی ئەنجومەنی باڵای سیاسی کوردستان، هۆشداری درابوو لەبارەی بەكارهێنانی هێز دژی کوردستان. 

ئەنجومەنی باڵای سیاسی کوردستان لە داوایەکدا بۆ رای گشتی جیهان و هاوپەیمانێتی نێودەوڵەتی دەڵێت “گەلی كوردستان رووبەڕووی ئابڵۆقە و سزادانی بەكۆمەڵ و هەڕەشەی بەكارهێنانی هێز كراوەتەوە و ئەوە بارودۆخی مرۆیی و ژیانی خەڵك و ئاوارەكان لە عێراق و كوردستان، دەباتە قۆناغێكی مەترسیدار”. 

ئەنجومەنی باڵای سیاسی کوردستان داواش دەكات “سنوورێك بۆ ئەم هەڕەشە و ئابڵۆقە و سزادانی بەكۆمەڵە دابندرێت”.

Share.

About Author

بوچون نوسین داخراوە.

Social Media Auto Publish Powered By : XYZScripts.com