دادگای باڵای فیدراڵی عێراق وەڵامی تانەیەکی یاسایی نەجمەدین کەریمی دەداتەوە

0

نوچەنێت

دادگای باڵای فیدراڵی عێراق تانەی نەجمەدین کەریمی لەدژی سەلیم جبووری، سەرۆکی پەرلەمانی عێراق رەتکردەوە و رایگەیاند، ئەو بابەتە ئیدارییە، تەشریعی نییە.

دوای ئەنجامدانی گشتپرسی سەربەخۆیی لە هەرێمی کوردستان و سەرکەوتنی دەنگی بەڵێ بە رێژەیەکی زۆر لە ناوچە کوردستانییەکانی دەرەوەی ئیدارەی هەرێمی کوردستان و لەنێویاندا کەرکوک، ئەنجومەنی نوێنەرانی عێراق لە مانگی نۆ دا دەنگی لەسەر لەکارلادانی نەجمەدین کەریم لە پۆستەکەی دا.

ئەمڕۆ (سێشەممە، 14-11-2017) دادگای فیدراڵی تانەی نەجمەدین کەریم، لەدژی بڕیاری لەکارلادانی لە پۆستەکەی، وەکو پارێزگاری کەرکوک رەتکردەوە.

ئەیاس سامۆک، گوتەبێژی دادگای باڵای فیدراڵی لە بەیاننامەیەکدا رایگەیاند “دادگای باڵای فیدراڵی کۆبوونەوەی کردووە، پێداچوونەوەی بۆ داواکاری بەڕێز نەجمەدین کەریم، لەدژی سەرۆکی ئەنجوومەنی نوێنەران کردووە، کە تانەی لە بڕیاری ئەنجومەنی نوێنەران داوە بەهۆی ئەوەی لە پۆستی پارێزگاری کەرکوک لایانداوە”.

هەروەها رایگەیاند “دادگا داواکەی (نەجمەدین کەریم)ـی رەتکردەوە و جەختی کردەوە لەوەی، ئەو بڕیارە ئیداری بووە و تەشریعی نەبووە، بۆیە دادگای باڵای فیدراڵی عێراق، ناتوانێت پێداچوونەوەی پێدا بکات”.

Share.

About Author

بوچون نوسین داخراوە.

Social Media Auto Publish Powered By : XYZScripts.com