مەخمور: لە کەمپی ئاوارەکانی باکووری کوردستان تەقینەوەیەکی بەهێز روویدا

0

نوچەنێت

قایمقامی مەخمور رایدەگەیەنێت، تەقینەوەیەک لە کەمپی مەخموری ئاوارەکانی باکوری کوردستان روویدا و ژمارەیەک هاونیشتمانی گیانیانلەدەستداوە و برینداربوون.

لەنێو کەمپی مەخموری ئاوارەکانی باکووری کوردستان، دوو هەزار و 700 خێزانی ئاوارە دەژین، کە ژمارەیان 12 هەزار و 500 کەسە.

كەمپی مەخمور نزیکەی 60 كلیۆمەتر لە سەنتەری شاری هەولێر دوورە، لە نەوەتەكانی سەدەی رابردوو دروستكراوە و كوردانی ئاوارەی باكووری كوردستانی تێدا نیشتەجێكراون.

رزگار مستەفا، قایمقامی مەخمور بە (رووداو)ی راگەیاند “تەقینەوەیەکی بەهێز لەنێو کەمپی ئاوارەکانی باکووری کوردستان لە مەخموور روویدا و بەپێی ئەو زانیاریانەی لەنێو لیژنەی کەمپەکە بە ئێمە گەیشتوون ژمارەیەکی زۆر ئاوارە گیانیانلەدەستداوە و برینداربوون”.

قائیمقامی مەخمور لەبارەی هۆکاری تەقینەوەکە گوتی “تاوەکو ئێستا نەزانراوە تەقینەوەکە بەهۆی چییەوە بووە، بەڵام لە لێکۆڵینەوە بەردەوامین و زانیاریشمان بەدەست گەیشتووە، کە بارەگایەکی نێو کەمپەکە بە تەواوی وێرانبووە”.

Share.

About Author

بوچون نوسین داخراوە.

Social Media Auto Publish Powered By : XYZScripts.com