پێگەیەکی ئەمریکی: بەریەککەوتنی ئێران و ئەمریکا لە عێراق نزیکە

0

نوچەنێت

پێگەی ئەمریکی ستراتیکی کاڵچر، لە راپۆرتێکدا دەڵێت ئاماژە  وئەگەرەکانی روودانی شەڕ لە نێوان ئەمریکا  و ئێران لە سەر خاکی عێراق  فراوانە و جەخت دەکاتەوە، کە شەڕی ئەمریکا لە گەڵ ئێران زۆر لەوە نزیکترە کە بیری لێدەکرێتەوە  ولەم نێوەدا عێراق گۆڕەپانی ئەم بەریەککەوتنەیە.

ستراتیکی کاڵچر دەنووسێت، ئەمریکا، سەرباری تێکشکانی داعش لە عێراق، درێژە بە ئامادەیی و بوونی سەربازی خۆی لەم وڵاتە دەدات و بە نیازە عێراق بکاتە مەیدانی شەڕ لە گەڵ ئێران.

ستراتیژی کاڵچر، ئاماژەی بە نامەکەی  مایک پامپئۆ، سەرۆکی دەزگای هەواڵگری ئەمریکا بۆ قاسم سولەیمانی، فەرماندەی سوپای قودسی ئێران دەکات و وەبیری دێنێتەوە، کە سەرۆکی سی.ئای.ئەی هۆشداری دەداتە سولەیمانی و پێی راگەیاندووە، کە نابێ بەرژەوەندییەکانی ئەمریکا لە عێراق بکرێتە ئامانج.

لە ٢٨ی نۆڤەمبەر، ژمارەیەکی بەرچاو لە هێزی سەربازی ئەمریکا لە  بنکەی سەربازی کەیوان، لە رۆژئاوای کەرکوک جێگیر کران.ئەم هێزانە دواتر دابەش بوون، بەشێکی لە بنکە سەربازییەکە مانەوە و بەشێکی دیکەش رەوانەی بنکەی ئاسمانی صدیق لە نزیک شاری دوزخۆرماتو کران.

دوزخۆرماتوو لە مەدوای ١٠٠ کیلۆمەتری ئێران و ١٦٣ کیلۆمەتری باکوری بەغدا هەڵکەوتووە. خاڵی سەرنجڕاکێش ئەوەیە کە لە ٢٠٠٣ بەدواوە هێزەکانی ئەمریکا، بەم رادەیە لە خاکی ئێران نزیک نەبوونەتەوە.

لە ناوەڕاستی مانگی نۆڤەمبەری ئەمساڵ، هێزەکانی ئەمریکا کە بە سەدان کەس هەژمار دەکرێن، بنکەیەکی سەربازی نوێیان لە رۆژئاوای عێراق، لە ٢٠ کیلۆمەتری شاری سنوری قائم لە پارێزگای ستراتیژی ئەنبار کردەوە. ئەم جموجوڵانە لە سەر یەک ئەوە دەگەیەنێ کە ئەمریکا دەیهەوێ، رێگری لە دانانی کریدۆر لە لایەن ئێرانەوە بکات بە رێگەی سنوری سوریا-عێراق.

لە ٢٢ی ئۆکتۆبەر ،رێکس تیلێرسۆن، سەرۆکی دەزگای دیپلۆماسی ئەمریکا رایگەیاند، کاتی هاتووە میلیشیاکانی ژێر فەرمان و دەسەڵاتی ئێران،عێراق جێبهێڵن.

لە ٢٥ی ئۆکتۆبەرماک ماستەر، راوێژکاری ئاسایشی نەتەوەیی سەرۆکی ئەمریکا رایگەیاند، پلانێکی گەورەیان بۆ رێگری کردن لە هەژمونی ئێران لە ناوچەکە هەیە. جەختی لە سەر هەژمونی ئێران لە عێراق کردەوە.

لە لایەکی دیکەوە، بەشێک لەم پلانە گەورەیە، ئاسایی کردنەوەی پەیوەندییەکانی نێوان بەغدا و ریازە، تاکوو لە رێگەی سعودیە بەرهەڵستی ئێران ببێتەوە. هەر لەم پەیوەندییەدایە کە سعودیە پەیوەندی لە گەڵ لایەنە عێراقییەکان گرێ دەدات ،بە تاییەت کە رەوتی سەردری بە لاوە زۆر گرنگە.

کۆی ئەم ئاماژانە، ئەگەرەکانی بەردەم بەریەککەوتنی ئێران و ئەمریکا لە سەر خاکی عێراق، زیاتر و بەهێزتر دەکات.

Share.

About Author

بوچون نوسین داخراوە.

Social Media Auto Publish Powered By : XYZScripts.com