پێکهێنانی حکومەتی داهاتوو بەمشێوە دەبێت

0

نوچەنێت: تایبەت

ئەندام پەرلەمانێکی پارتی لەپەرلەمانی عیراق رایدەگەیەنێت، بەپێی دەرئەنجامەکانی هەڵبژاردن دروستکردنی حکومەتی داهاتووی عێراق کارێکی زۆر قورس دەبێت و کاتێکی زۆریش دەخایەنێت.

رۆژی شەممە ١٢-٥-٢٠١٨، هەڵبژاردنی ئەنجومەنی نوێنەرانی عێراق لەسەرجەم پارێزگاکانی بەڕێوەچوو، دوای راگەیاندنی ئەنجامە بەراییەکان لەزۆربەی ئەو پارێزگایانەی، کە راگەیەندراون، هاوپەیمانی سائیروون بە سەرۆکایەتی موقتەدا سەدر، هاوپەیمانی فەتح بە سەرۆکایەتی هادی عامری، هاوپەیمانی نەسر بە سەرۆکایەتی عەبادی، دەوڵەتی یاسا بە سەرۆکایەتی نووری مالیکی و هاوپەیمانی وەتەنییە بە سەرۆکایەتی ئەیاد عەللاوی، زۆرینەی دەنگەکانیان بەدەستهێناوە.

لە لێدوانێکی تایبەت بە نوچەنێت، خۆشەوی خەلیل، ئەندامی فراکسیۆنی پارتی لە پەرلەمانی عێراق، سەبارەت بە پێکهێنانی حکومەتی داهاتووی عێراق رایگەیاند “بەپێی ئەو دەرەنجامانەی، کە لەهەڵبژاردنەکانی پەرلەمانی عێراق هاتووەنەتە پێش، دروستکردنی حکومەتی داهاتووی عێراق کارێکی زۆر قورس دەبێت و کاتێکی زۆریش دەخایەنێت، حیزبی دەعوە بە هەردوو بەڵاکەی عەبادی و مالیکی یەوە زۆر قورسە ڕازیببن، کە ئەوەی یەکەمی بەدەستهێناوە لە هەڵبژاردنەکان حکومەت دروستبکات”. 

خۆشەوی خەلیل دەڵێت “ئەگەری یەکگرتنی کوتلەکانی دیکە و قەناعەت بە ڕەوتی سەدر و کوتلەی سائیروون بابە تێکی دیکەیە و پێکهێنانی حکومەت قورستر دەکات”.

ئەو ئەندام پەرلەمانەی پارتی لەپەرلەمانی عێراق جەختیشیکردەوە لەوەی، کە ئەگەر کورد هەموویان یەکگرتووبن و هاوپەیمانێتییەک دروستبکەن، ئەوا دەبنە کوتلەی یەکەم لە عێراقدا، داواکاری خەڵکی کوردستانیش ئەوەیە، کە هەموو کورد لە غدا یەکدەنگ بێت، بەڵام هەندێک لایەنی کوردی هەڵوێستیان بەو شێوەیە نییە، کە بیانەوێت بێنە ناو هاوپەیمانێتییەکی گشتی، کە سەرجەم فراکسیۆنە کوردیەکان کۆبکاتەوە.

Share.

About Author

بوچون نوسین داخراوە.

Social Media Auto Publish Powered By : XYZScripts.com