هۆکاری دواکەوتن لە کۆبوونەوەی پڕۆژەیاسا‌ی چاكسازیی ئاشکرا کرا

0

نوچەنێت: تایبەت

ئەندامێکی لیژنەی یاسایی لە پەرلەمانی کوردستان رایدەگەیەنێت، کە گرفتێکی ئەوتۆ نەماوە لەبەردەم تێپەڕاندنی پڕۆژەیاسای چاکسازی، رەنگە هەفتەی داهاتوو کۆبوونەوەیەکی پەرلەمان لە سەر پڕۆژەیاسای چاکسازی  ئەنجام بدرێت و یەکلایی بکرێتەوە.

دوای ئه‌وه‌ی پڕۆژەیاسا‌ی چاكسازیی موچه‌ و خانه‌نشینی و ده‌رماڵه‌كان بۆ جاری یه‌كه‌م له‌ هۆڵی په‌رله‌مان په‌سند كرا، به‌ڵام به‌هۆی بوونی تێبینی له‌سه‌ر یاساكه‌، سه‌رۆكایه‌تی په‌رله‌مانی کوردستان گه‌ڕاندیه‌وه‌ بۆ دانیشتنه‌كانی په‌رله‌مان.

لە لێدوانێکی تایبەت بە نوچەنێت، شوان شێخ ئەحمەد، ئەندامی فراکسیۆنی پارتی لە پەرلەمانی کوردستان، لەبارە ی هۆکاری ئەنجام نەدانی کۆبوونەوەی پەرلەمانی کوردستان لە سەر پڕۆژەیاسای چاکسازی، کە بڕیاربوو ١٤ی ئەم مانگە بکرێت رایگەیاند “ئەو گەرما و گەرمی و تەشەنووجاتەی هەیە لەهەرێم، بەهۆی دەرەنجامەکانی هەڵبژاردنی پەرلەمانی عێراق، نامانەوێت زیاتر قوڵبکرێتەوە، چەند رۆژێک دواخراوە بۆئەوەی لایەنەکان بە هێمنی و لە کەشێکی ئارام دا، گفتوگۆ لەسەر پڕۆژەیاساکە بکەن، زیاتر بەیەکەوە دابنیشین و زیاتر لەیەکتری تێبگەن بۆ ئەوەی پڕۆژەیاساکە ببێتە هی سەرجەم لایەنە سیاسییەکانی کوردستان”.    

شوان شێخ ئەحمەد ئاماژەی بەوەش دەکات، کە بۆ تێپەڕاندنی پڕۆژەیاساکەش گرفتێکی ئەوتۆ نەماوە لە بەردەمی لە پەرلەمانی کوردستان و رەنگە لەهەفتەی داهاتوو کۆبوونەوەی پەرلەمان لە سەر پڕۆژەیاسای چاکسازی بکرێت و یەکلایی بکرێتەوە.

Share.

About Author

بوچون نوسین داخراوە.

Social Media Auto Publish Powered By : XYZScripts.com