هەڵوێسی گۆڕان لەسەر ژماردنەوەی دەنگەکان لە هەولێر

0

نوچەنێت: تایبەت

بڕیارە ئەمڕۆ چوارشەممە 11-7-2018، لە هەولێر ژماردنەوەی دەنگەکان دەستپێبكات. چوارلایەنە لایەنە ناڕازییەکە لە ئەنجامەکان چاودێری دەکەن و بزووتنەوەی گۆۆڕانیش دەڵێت “بڕیاری بایكۆت تەنیا پەیوەست بووە بە سلێمانی و لە هەولێر چاودێری دۆخەكە دەكەین”.

دوای ئەوەی پەرلەمانی عێراق یاسای هەڵبژاردنی هەمواركردەوە، بەپێی هەموارەكە دەبوو لە سەرجەم پارێزگاكانی عێراق ئەنجامی دەنگدانی 12-5-2018ی پەرلەمانی عێراق بە دەست بژمێردرێتەوە، بەڵام لە 24-6-2018 دادوەرانی كۆمیسیۆن بڕیاریاندا تەنیا ئەو سندووقانە دەنگەكانیان بە دەست بژمێردرێنەوە كە سكاڵایان لەسەر تۆماركراوە.

لەرۆژی سێشەممە 3-7-2018  ژماردنەوەی دەنگەكان بەدەست لە كەركوك دەستیپێكرد ‌و دواتریش لە سلێمانی، بڕیایشە ئەمڕۆ چوارشەممە لە هەولێر دەستپێبكات.

لە لێدوانێکی تایبەت نوجەنێت، هێمن شێخانی، بەرپرسی مەكۆی گۆڕان لە هەولێر، لەبارەی پرۆسەی هەژمارکردنەوەی دەنگەکان لە هەولێر راگەیاند: لە هەولێر بەوردی چاودێری ژماردنەوەی سندووقەكانی دەنگدان دەكەن. هەروەها بڕیاری بایكۆت تەنیا پەیوەست بووە بە سلێمانی و لە هەولێر چاودێری دۆخەكە دەكەین.

بەرپرسی مەكۆی گۆڕان لە هەولێر ئاماژە بەوە دەکات، کە ئەگەر هەستمانكرد پێشێلكاری هەیە، لێرەش هەڵوێستمان دەبێت”.

Share.

About Author

بوچون نوسین داخراوە.

Social Media Auto Publish Powered By : XYZScripts.com