داخوازی کوردی رۆژهەڵات لە حزبەکانیان دەخرێتەڕوو

0

نوچەنێت: تایبەت

نوێنەری حزبی دیموکراتی کوردستان (حدک)، رایدەگەیەنێت، ئەو بارودۆخەى ئێستا هەیە لە رۆژهەڵات و ئێران، یەکڕیزى لە ئێمە دەخوازێت.

حزبەکانی رۆژھەڵاتی کوردستان پێیانوایە، لە ئێستادا کۆماری ئیسلامی ئێران بەردەوامە لە دەستگیرکردنى چالاکان و ھاوڵاتییان و سەرەڕای قەیرانەکان کێشەی زۆری بۆ ھاوڵاتییان دروستکردووە. دەشڵێن، کاریگەرى ئابڵوقەی ئابوریی ئەگەرى ڕوودانى تەقینەوەى جەماوەرى لە ئێران و ڕۆژهەڵاتى کوردستان لێ دەکرێت.

لە لێدوانێکی تایبەت بە نوچەنێت، سۆران نووری، نوێنەری حزبی دیموکراتی کوردستان لە سلێمانی، لەبارەی دۆخی ئێران و رۆژهەڵاتی کوردستانەوە رایگەیاند ”ئەو بارودۆخەى ئێستا هەیە لە رۆژهەڵات و ئێران و ناوچەکە یەکڕیزى لە ئێمە (حزبەکانی رۆژهەڵات) دەخوازێت”.

نوێنەری حزبی دیموکراتی کوردستان لە سلێمانی دەشڵێت، بەرنامەمان ئەوەیە لە داهاتوودا کارى هاوبەشى زیاتر بەرامبەر کۆمارى ئیسلامى بکەین.

Share.

About Author

بوچون نوسین داخراوە.

Social Media Auto Publish Powered By : XYZScripts.com