کۆڕیادی شەهیدانی موشەکبارانی قەڵای دێموکرات بەڕێوەچوو

0

نوچەنێت: تایبەت

 کۆڕیادی شەهیدانی موشەکبارانی قەڵای دێموکرات بەڕێوەچوو و ئەندامێکی سەرکردایەت ئەو حزبەش دەڵێت “سه‌رباری ئه‌و زه‌بره، ئه‌و حیزبه هه‌ر به پێوه‌یه و شه‌هیدانیش هه‌تا سه‌ر له‌نێومان ده‌مێننه‌وه”.

دوانیوەڕۆی ڕۆژی چوارشەممە ١٧ی ئۆکتۆبری ٢٠١٨، بە بەشداری نوێنەرانی حیزب و لایەنە سیاسییەکانی هەر چوار بەشی کوردستان، کۆمەڵێک لە کەسایەتییە سیاسی و ڕووناکبیرییەکانی باشوور و ڕۆژهەڵاتی کوردستان  و هه‌روه‌ها کۆمه‌ڵێک رۆژنامه‌وان و کارناسی بیانی بەڕێوە چوو.

 لە لێدوانێکی تایبەت بە نوچەنێت، سۆران نووری، ئەندامی سەرکردایەتی حزبی دیموکراتی کوردستان، لەبارەی کۆڕیادی (چلەی) شەهیدانی موشەکبارانی ئێران بۆ سەر حزبەکەی رایگەیاند: سه‌رباری ئه‌و زه‌بره، که له‌ موشه‌کبارانه‌که‌دا له حزبی دێموکرات درا ئه‌و حیزبه هه‌ر به پێوه‌یه و شه‌هیدانیش هه‌تا سه‌ر له‌نێومان ده‌مێننه‌وه.  پێویستە پشتیوانی زیاتری نێوده‌وڵه‌تی له خه‌باتی گه‌لی کورد له ڕۆژهه‌ڵاتی کوردستان و یه‌كگرتوویی زیاتری هه‌موو کورد، به‌دژی مه‌یدانداری و ده‌ستدرێژییه‌کانی کۆماری ئیسلامی هەبێ.

 سۆران نووری ئەوەشی خستەڕوو، کە حیزبی دێموکراتی کوردستان فیلمێکی دۆکیۆمێنتاری لەبارەی وردەکاری و کاردانه‌وه‌كانی هێرشە موشەکییەکەی کۆماری ئیسلامی بۆ سەر حیزبی دێموکراتی کوردستان پیشان دا.

ناوبراو ئاماژەی بەوەش دا، کە هه‌ریه‌ک له د. مەحموود عوسمان، کەسایەتی سیاسی دیاری باشووری کوردستان، د. کاوە مەحموود، سکرتێری حیزبی شیوعی کوردستان و ئۆمێد خۆشناو، سەرۆکی فراکسیۆنی پارتی دێموکراتی کوردستان لە پەرلەمانی کوردستان وتاریان پێشکێش کرد و لە باسەکانیاندا وێڕای مەحکوم کردنی دەستدرێژییەکانی کۆماری ئیسلامی ئێران لە وڵاتی ناوچە بەتایبەت هێرشیی موشەکی ڕێژیم بۆسەر حیزبی دێموکراتی کوردستان لە خاکی هەرێمدا، پێیان لەسەر پێویستی هاوڕیزی هێزە سیاسییەکانی کورد و هەڵوێستی شێلگیر و لێبڕاوانەی هەموو لایەک لەهەمبەر ئه‌و مه‌ترسییانه‌ی له سه‌رده‌می ئێستاوه به‌ره‌وڕووی جێگه و پێگه و ئاینده‌ی نه‌ته‌وه‌ی کورد ده‌بنه‌وه داگرت.

Share.

About Author

بوچون نوسین داخراوە.

Social Media Auto Publish Powered By : XYZScripts.com