سەرکردەیەکی داعش دەستگیرکرا

0

نوچه‌نێت

ئەمڕۆ وەزارەتی ناوخۆی عێراق، دەستگیرکردنی سەرکردەیەکی رێکخراوی داعشی لە پارێزگای کەرکوک راگەیاند و دەشڵێت “دیارترین تاوانەکانی ئەو کەسە بریتی بوون لە لێدانی خەندەق و ساتر”.

ئەمڕۆ چوارشەممە ٧-١١-٢٠١٨، لیوا سەعد مەعن، گوتەبێژی وەزارەتی ناوخۆی عێراق لە بەیاننامەیەکدا رایگەیاند “هێزەکانی پۆلیسی فیدراڵی سەرکردەیەکی داعشیان لە گوندی تەلخەدیجە لە سنووری پارێزگای کەرکوک دەستگیرکرد، کە پێشتر فەرمانی دەستگیرکردنی بۆ دەرچووە”.

لیوا سەعد مەعن، ئاماژەی بەوەکرد، دەستگیرکردنی ئەو سەرکردەی داعش دوابەدوای دانپێدانانی براکەی هات، کە پێشتر بەرپرسی هێنانی خەڵکی مەدەنی بووە بۆ نێو ریزەکانی داعش. 

گوتەبێژی وەزارەتی ناوخۆی عێراق دەشڵێت، دیارترین تاوانەکانی ئەو کەسە بریتی بوون لە لێدانی خەندەق و ساتر، بەو پێیەی خۆی شوفێری حەفارە بووە و بەشدار بووە لە رفاندنی ئەفسەرانی خانەنشینی گوندی تەلخەدیجە و دواتر گولـلەبارانکردنیان.

بەگوتەی سەعد مەعن، ئەو کەسەی دەستگیرکراوە پێشتر بەشداری هێرشەکانی چەکدارانی داعشی کردووە بۆسەر هێزە ئەمنییەکان لە چیای حەمرین.

Share.

About Author

بوچون نوسین داخراوە.

Social Media Auto Publish Powered By : XYZScripts.com