تورکمانەکان: هیچ وەڵامێکمان وەرنەگرتووە

0

نوچەنێت: نەوزاد عەلی

پەرلەمانتارێکی تورکمانی ڕایدەگەنێت، تا ئێستا هیچ وەڵامێکمان پێنەگەیشتووە سەبارەت بە وەرگرتنی یەکێک لە جێگری سەرۆکایەتییەکانی هەرێم و نازانین چۆن دەبێت. 

لە هەرێمی کوردستان، ١١ کورسی کۆتاکان لە پەرلەمانی کوردستاندا تەرخان کراوە بۆ کە مەنەتەوەیییەکانی پێکهاتەی تورکمانی، مەسیحی، کلدانی و ئاشووری، داوای یەکێک لە جێگری سەرۆکایەتییەکانی هەرێمی کوردستان دەکەن.  

لە لێدوانێکی تایبەت بە نوچەنێت، ئایدن مەعروف، ئەندامی فراکسیۆنی بەرەی تورکمانی لە پەرلەمانی کوردستان، سەبارەت بە دواکاری پێهاتەکانی کوردستان، ڕایگەیاند “داواکاری پێکهاتە تورکمانی و کەمە نەتەوەییەکان ئەوەیە، کە یەکێک لە جێگری سێ سەرۆکایەتییەکەی هەرێمان پێبدرێت و لە هەمان کاتیشدا لە حکومەت بەشدار بین، ئەوەش بە مافێکی سرووشتی خۆمانی دەزانین، بەڵام تا ئێستا هیچ وەڵامێکمان وەرنەگرتووە”.                                  

ناوبراو ئاماژە بەوە دەکات، ئەوان وەک پێهاتەی تورکمانی لەگەڵ ئەوەدان کۆبوونەوەکەی ١٨ـی ئەم مانگە بکرێت، بۆئەوەی دەستەی سەرۆکایەتی پەرلەمانی کوردستان هەڵبژێردرێت. جەختیشی لەوەکردەوە، کە تاکو ئێستا هیچ شتێکی فەرمیان لەلایەن پەرلەمانی کوردستانەوە پێ نەگەیشتووە بۆ ئەنجامدانی کۆبوونەوە. 

سەبارەت بە دیاری کردنی کاندید لە ئەگەری وەرگرتنی یەکێک لەجێگری سەرۆکایەتییەکان ئایدن مەعروف، گوتی “دیاری کردنی کاندید نابێتە کێشە، بەڵام تا ئێستا پێکهاتە تورکمانی و کەمە نەتەوەیییەکان هیچ قسەیەکمان نەکردووە لەسەر ئەوەی کێ ببێتە کاندید، هەرکاتێک ئەوە یەکلایی کرایەوە، کە یەکێک لە جێگرەکان وەردەگرین ئەو کاتە پێکەوە دادەنیشین و ڕێکدەکەوین لەسەر کاندیدێک”.    

هەروەها گوتیشی “ئێمە وای دەبینین، کە یەکێک لەجێگرەکان بدرێت بەپێکهاتەی تورکمانی و لەهەمان کاتدا لەناو حکومەت یەکێک لە پۆستە وزراییەکانی هەرێم بدرێت بە تورکمان، بۆئەوەی لایەنە تورکمانییەکانیش لە ئەنجومەنی وەزیران نوێنەریان هەبێت”.  

Share.

About Author

بوچون نوسین داخراوە.

Social Media Auto Publish Powered By : XYZScripts.com