کاتی لابردنی خاڵە گومرگییەکانی نێوان هەرێم و بەغدا ئاشکرا کرا

0

نوچە نێت-نەوزاد عەلی

بەڕێوەبەری گشتی وەزارەتی بازرگانی هەرێم ڕایدەگەیەنێت، بڕیارە ١٧ـی ئەم مانگە ڕێککەوتنی هەرێم و بەغدا بۆ یەکخستنی پێناسەی گومرگی بچێتە بواری جێبەجێکردنەوە.

لە دوای ڕووداوەکانی ١٦ئۆکتۆبەری ساڵی ٢٠١٧ ـوە ژمارەیەک خاڵی گومرگی لەنێوان هەرێم و بەغدا دانران، ئێستاش بۆ لابرنی ئەو خاڵەگومرگییانە ڕێککەوتن کراوە، بۆ ئەو مەبەستەش رۆژی هەینی دەستەی گشتی گومرگەكانی عێراق رایگەیاند”خاڵە گومرگییەكانی فایدە لە نێوان دهۆك و موسڵ، شێراوە و لەیلان لە باكوور و رۆژهەڵاتی كەركوك هەڵدەگیرێن”.  

لە لێدوانێکی تایبەت بە نوچەنێت، نەوزاد ئەدهەم، بەڕێوەبەری گشتی وەزارەتی بازرگانی  حكومەتی هەرێمی كوردستان، سەبارەت بە لابردنی خاڵە گومرگییەکانی نێوان هەرێم و بەغدا، ڕایگەیاند “لەماوەی کانی ڕابردوو حکومەتی هەرێم و حکومەتی عێراقی ڕێککەوتن لەسەر ئەوەی پێناسەی گومرگی یەکبخرێت، بۆئەوەی لە هەرێمی کوردستان و عێراق یەک پێناسەی گومرگی هەبێت، ئەوەش لە ئەنجومەنی وەزیرانی عێراقەوە بڕیاری لەسەر دراوە”.   

سەبارەت بە کاتی لابردنی خاڵە گومرگییەکانیش، بەڕێوبەری گشتی بازرگانی هەرێم، گوتی “بڕیاروایە ١٧-٢-٢٠١٩ بڕیارەکە بچێتە بواری جێبەجێکردنەوە، دوو ڕۆژ بەر لەجێبەجێکردنی بڕیارەکەش خاڵە گومرگییەکانی نێوان هەرێم و بەغدا لادەبرێن”.   

نەوزاد ئەدهەم جەختیشی لەوەکردەوە، کە جێبەجێکردنی بڕیارەکە هەنگاوێکی باش دەبێت و بۆ کاری بازرگانیکردن لەنێوان هەردوولا و گوتیشی “لەدوای جێبەجێکردنیەوە لە سەرتاسەری عێراق و هەرێمی كوردستان یەك پێناسەی گومرگی دەبێت”. 

Share.

About Author

بوچون نوسین داخراوە.

Social Media Auto Publish Powered By : XYZScripts.com