بڕیاری قەدەغەکردنی چەک راگەیێندرا

0

نوچەنێت

وەزارەتی ناوخۆی هەرێمی كوردستان چەند بڕیارێكی لەبارەی دەستبەسەرداگرتنی چەكی بێ‌ مۆڵەت دەركرد و رایگەیاند، جگە لە كڵانشینكۆڤ ‌و دەمانچە هەر چەكێكی قورس ‌و مامناوەند دەستیبەسەردا بگیرێت.

بەپێی ئەو نووسراوە کە ئەمڕۆ یەكشەممە 10-2-2019 دەرچووە و واژووی كەریم سنجاری، وەزیری ناوخۆی لەسەرە ئاماژە بەوەدراوە “دەستبەسەر هەموو جۆرە چەكێكی بێ‌ مۆڵەتی قورس ‌و مامناوەندا دەگیرێ‌ ‌و لەناو سەنتەری پارێزگا، قەزا ‌و شارۆچەكانیشدا ئەو چەكانەی رادەستدەكرێن یاخود دەستیان بەسەردا دەگرێت لە بنكەكانی پۆلیس‌ و ئاسایش كۆدەكرێنەوە دواتر بەپێی یاسا لە رێگەی لیژنەیەكەوە رادەستی وەزارەتی پێشمەرگە دەكرێن”.

لە نووسراوەكەدا داوا لەو كەسانە كراوە كە دەمانچە ‌و كڵانیشنكۆڤی بێ‌ مۆڵەتیان هەیە “لەو بنكانەی كە چەكی قورس‌ و مامناوەندەیان لێكۆدەكرێتەوە مۆڵەت دەربهێنن”. هەروەها ئاماژەبەوەشدراوە، کە ئەو بڕیارانە لە ماوەی شەش مانگدا جێبەجێ‌ دەكرێن.

Share.

About Author

بوچون نوسین داخراوە.

Social Media Auto Publish Powered By : XYZScripts.com