کاندیدی جێگری سەرۆکی پەرلەمان ئاشکرا کرا

0

نوچەنێت-نەوزاد عەلی

پەرلەمانتارێکی پارتی لەپەرلەمانی کوردستان ڕایدەگەیەنێت، پۆستی جێگری یەکەمی سەرۆکی پەرلەمانی کوردستان بۆ حزبەکی یەکلایی بووەتەوە و کاندیدی پارتیش بۆ ئەو پۆستە هێمن هەورامییە.                                   

لە دوای ئەنجامدانی هەڵبژاردنی خولی پێنجەمی پەرلەمانی کوردستان لە ٣٠-٩-٢٠١٨ پەرلەمانی کوردستان تەنها یەک کۆبوونەوەی ئەنجامداوە و کۆبوونەوەکەش بەکراوەی ماوەتەوە، تائێستاش دەستەی سەرۆکایەتی هەڵنەبژێردراوە، بەپێی ڕێککەوتنی نێوان پارتی و یەکێتی، بڕیارە ١٨-٢-٢٠١٩ کۆبوونەوەی دووەمی پەرلەمانی کوردستان بەڕێوەبچێت. 

لە لێدوانێکی تایبەت بە نوچەنێت، بەهمەن کاک عەبدوڵڵا، ئەندامی فراکسیۆنی پارتی لە پەرلەمانی کوردستان، سەبارەت بە کۆبوونەوەی پەرلەمانی کوردستان، ڕایگەیاند “کۆبوونەوەی ١٨ـی ئەم مانگەی پەرلەمان بۆ دوو مەبەستە، یەکەم سێ ئەندام پەرلەمان تا ئێستا نەهاتوون، مافی یاسایییان تەواوبووە و سێ ئەندامی تر لە جێگایان سوێندی یاسایی دەخۆن، دووەمیان دەستەی سەرۆکایەتی پەرلەمان هەڵدەبژێردێت”.  

پەرلەمانتارەکەی پارتی جەختیشی لەوەکردەوە، کە پۆستی جێگری یەکەمی سەرۆکی پەرلەمان بۆ پارتی دیموکراتی کوردستان یەکلایی بووەتەوە، سەبارەت بەکاندیدی حزبەکەشی دەڵێت “تاکە کاندیدی پارتی بۆ ئەو پۆستە تا ئێستا هێمن هەورامییە”. 

Share.

About Author

بوچون نوسین داخراوە.

Social Media Auto Publish Powered By : XYZScripts.com