سیستانی پەیامی خۆی بە سەرۆککۆماری ئێران راگەیاند

0

نوچەنێت: ئاژانسەکان

گەورە مەرجەعی شیعەکان له‌ عێراق لە گەڵ سەرۆککۆماری ئێران کۆبووەتەوە و داوای پاراستنی سەروەری وڵاتانی ناوچەکە و دەستوەرنەدان لە کاروباری ناوخۆی یەکتری کردووە.

بە گوێرەی بەیاننامەیه‌كی نووسینگەکەی، عەلی سیستانی، گەورە مەرجەعی شیعەکان له‌ عێراق لە گەڵ، حەسەن روحانی، سەرۆککۆماری ئێران، کۆبووەتەوە و لە کۆبوونەوەکدا رایگەیاندووە “دوای شەڕی تیرۆریستان ئێستا گەورەترین کێشە، کە رووبەڕی عێراق بووەتەوە بەرەنگاربوونەوەی گەندەڵییە و کۆنتڕۆڵکردنی چەکە له‌لایه‌ن دەوڵەت و هێزە ئەمنیەکانەوه‌.

سیستانی داواشی کردووە پەیوەندییەکانی عێراق لەگەڵ وڵاتانی دراوسێ لەسەر بنەمای بەرژەوەندی هاوبەش و رێزگرتن لە سەروەری و دەستوەرنەدان لە کاروباری یەکتری پەرەی پێبدرێت.

سیستانی بە پێویستی زانیوە، کە سیاسەتی ناوچەکە بەهۆی هەستیارییەوە بەشێوەیەکی هاوسەنگ و میانڕەوی بونیاد بندرێتەوە.

Share.

About Author

بوچون نوسین داخراوە.

Social Media Auto Publish Powered By : XYZScripts.com