مەلا بەختیار وەڵامی مەلا کرێکار دەداتەوە

0

نوچەنێت

مەلا بەختیار، بەرپرسی دەستەی کارگێڕی مەکتەبی سیاسی یەکێتی لەبارەی ئەنجامدانی دیبەیت لەگەڵ مەلا کرێکار دەڵێت ”هەركاتێك بەئازادی گەڕایتەوە، دیبەیتت لەگەڵ دەكەم!”

راگەیاندنی دەستەی کارگێڕی مەکتەبی سیاسی یەکێتی نیشتمانی کوردستان بڵاویکردووەتەوە، ئێوارەی ئەمڕۆ مەلا بەختیار لە پەیامێكی ڤیدیۆیدا بە چەند سەرنجێك وەڵامی مەلا كرێكار دەداتەوە و رایدەگەیەنێت ”هەركات گەڕایتەوە كوردستان، بێگومان وەكو یەكەمین چالاكیت، بەندە دیبەتێكت لەگەڵ سازدەكات”.

لە بڵاوکراوەکەی راگەیاندنی دەستەی کارگێڕی مەکتەبی سیاسی یەکێتیدا هاتووە: “ئەگەرچی بڕیاربوو رۆشنگەر مەلا بەختیار، لە دوو رۆژی رابردوودا پەیامەكەی بڵاوبكاتەوە ، بەڵام بەهۆی جەژنی نەورۆز و گەردنئازادی خەڵكی كوردستان لەیەكدی، پەیامەكەی دواخست ‌و نەیویست، لەو كاتەدا كە خەڵكی كوردستان سەرقاڵی شادیی ‌و خۆشییەكانیان پەیامەكەی بڵاوبكاتەوە. بۆیە ئێوارەی ئەمڕۆ، پەیامەكەی بڵاودەكاتەوە”.

وەک لە بڵاوکراوەکەدا هاتووە ”مەلا بەختیار بە چەند سەرنجێك وەڵامی هەندێك لە زانیارییە ناڕاستەكانی مەلا كرێكار دەداتەوە”.  

مەلا بەختیار هەروەها دەشڵێت “جیاواز بیردەكەینەوە، بەڵام رێزم بۆ جیاوازییەكان هەیە ‌و هیچ كاتێكیش باوەڕم بەوە نییە ئازادیت لێ‌ زەوت بكرێت‌ و باوەڕیشم بەوە نییە كەس بیر لەوە بكاتەوە، تۆڵەی جەستەیی لە جەنابت بكاتەوە”.

Share.

About Author

بوچون نوسین داخراوە.

Social Media Auto Publish Powered By : XYZScripts.com