ئەمریکا لیستێکی نوێی سزاکانی سەر ئێرانی ڕاگەیاند

0

نوچەنێت-ئاژانسەکان

وەزارەتی خەزێنەداری ئەمریکا، زیاتر لە ٣٠ بەرپرس و دامەزراوە و کۆمپانیای ئێرانی بە تۆمەتی پەیوەندییان بە بەرنامەی موشەکی و ئەتۆمی ئەم وڵاتەوە خستە لیستی رەشەوە.

وەزارەتی خەزێنەداری ئەمریکا لەم بارەوە رایگەیاندووە: ١٧ بەرپرس و ١٤ دامەزراوەی ئێرانی، کە بەشدارییان لە بەرنامەی موشەکی و ئەتۆمی ئێراندا هەیە، خراونەتە لیستی سزاکانی واشنتۆنەوە.

بە گوێرەی لێدوانی بەرپرسانی وەزارەتی خەزێنەداری ئەمریکا، ئەم بەرپرس و دامەزراوانە، لە ژێر چاودێری وەزارەتی بەرگری کۆماری ئیسلامی ئێراندا چالاکن و لە پەرەپێدان بە بەرنامەی موشەکی و ئەتۆمی ئەم وڵاتە، بەشدارن.

هاوکات بەرپرسێکی باڵای ئیدارەی دۆناڵد ترەمپ رایگەیاندووە، گوشارەکان بۆ سەر ئێران بەردەوام دەبن تا ئەم وڵاتە ناچار بکەن بگەڕێتەوە سەر مێزی دانوستان.

Share.

About Author

بوچون نوسین داخراوە.

Social Media Auto Publish Powered By : XYZScripts.com