ژمارەیەک پەنابەر ئازادکران

0

نوچەنێت

سەرۆکی دەزگای لوتکە بۆ کاروباری ئاوارە و پەنابەران رایدەگەیەنێت، نۆ پەنابەری عێراقی بە هەماهەنگی کونسوڵی عێراق و دەزگای لوتکە، کە دەیانویست بەرێگای نایاسایی ڕوو لە وڵاتانی ئەوروپا بکەن لە زیندانەکانی تورکیا ئازاد کران.

بە هەزاران هاوڵاتی بە لێشاو لە پارێزگای هەرێم و عێراق، بەهۆی شەڕی داعش و خراپی بارودۆخ لە ساڵی ٢٠١٤ەوە، روویان لە وڵاتانی ئەوروپا کردوە و سەدان کۆچبەریش لەو رێگایە گیانیان لەدەستداوە.

لەلێداوانێکی تایبەت بە نوچەنێت، ئاری جەلال، سەرۆکی دەزگای لوتکە بۆ کاروباری ئاوارە و پەنابەران، لەبارەی ئازادکردنی ژمارەیەک پەنابەر ڕایگەیاند: بە هەماهەنگی ئاماد رەسوڵ راوێژکار و کونسوڵی عێراق لە ئیستەنبوڵ و کوردە یەشار نوێنەری دەزگای لوتکە لە تورکیا، توانرا نۆ پەنابەری عێراقی، کە لە نەتەوەکانی کورد و عەرەب بوون لە زیندانەکانی تورکیا ئازاد بکرێن و لە ڕێگای فڕۆکەخانەی نێودەوڵەتی ئیستەنبوڵەوە بەرەو پارێزگاکانی عێراق گەڕێندرانەوە.

ئاری جەلال ئاماژەی بەوەشکرد، ئەو پەنابەرانە ژن و منداڵێشیان تێدایە بووە لە هاوڵاتیانی پارێزگاکانی بەغدا، بەسرە، هەولێر و سلێمانی، پێکهاتوون و ماوەی هەفتەیەک دەبێت بەهۆی کۆچی نایاسایی لە زیندانەکانی تورکیا دەستگیرکرابوون و، دەیانوسیت بە رێگای نایاسایی سنوری ئەو وڵاتە ببەزێنن و روو لە وڵاتانی ئەوروپا بکەن.

پەنابەرانی ئازادکراو لە تورکیا
Share.

About Author

بوچون نوسین داخراوە.

Social Media Auto Publish Powered By : XYZScripts.com