دکتۆرە شوکریە: نێچیرڤان بارزانی دۆخی دوای ١٧ی ئۆکتۆبەری ئاسایی کردەوە

0

نوچەنێت: تایبەت

نێچیرڤان بارزانی تەنھا کاندیدە بۆ سەرۆکایەتی ھەرێم. ئەزمونێکی باشی لە پەیوەندی نێوان لایەنە سیاسییەکان ھەیە. ئایا چوارساڵی سەرۆکایەتی ئەو لەم پۆستە چۆن دەبێت؟ ئایا وەک ئەوەی دۆخی کوردستان پێویستی پێیەتی ئەزمونی رابردووی وا دەکات گەشبین بین لەوە. ئەزمونی حکومەتداری دیپلۆماسیەتی ئەو تاچەند یارمەتیدەری سەرکەوتنی دەبێ ؟

پرۆفیسۆر شوکریە رەسوڵ، سەبارەت بە کانیدیبوونی نێچیرڤان بارزانی گوتی” نێچیرڤان بارزانی، تەنها کاندیدە چونکە لە هەرێم پارتی یەکەم حیزب بوو ژمارەی زۆرینەی لە هەڵبژاردن هێنا کە ٤۵ کورسیە، واتە دەبێ کاندید لە پارتی دیموکراتی کوردستان بێت وپارتی بە پێی زۆرینە سەرۆکی هەرێم و سەرۆکی ئەنجومەنی وەزیرانی کوردستانی بەرکەوێ. چ جای رێککەوتن لە گەڵ یەکێتی نیشتمانی کوردستان و بزووتنەوەی گۆران ، ئەمە لە لایەک بەڵام لەرووی دەستورەوە هەرکەسێ بیەوێ بۆی هەیە خۆی کاندید بکات بەڵام بۆ ئەمرۆ زۆرینەی دەنگەکان حوکم دەکات”.

بەرای دکتۆرە شوکریە، نێچیرڤان بارزانی دەتوانێ لە پۆستی سەرۆکی هەرێم سەرکەوتووبێت چونکە”بەڵێ مێژووی حوکم رانی ئەو چەندین ساڵەی نێچیرفان بارزانی،دەری خست کەسایەتیەکی کاریزمایە و زمانی دبلۆماسی چاک دەزانێ و لە سیاسەت یاری داش بەدامە دەزانێ و راوێژکارەکانی بە توانان، هەربۆیە کەسایەتی و بوێری و باوەر بە خۆبوون وئارامی بۆ بەرژەوەندی کورد، هەردەم رەچاوی کردووە و لەگەڵ لایەنەکان سیاسییەکان پەیوەندی باشی هەیە و زۆر جاریش پشوو درێژە چونکە بەرژەوەندی وا دەخوازێ لە پێناو رێککەوتن کە بە وردی بەدواچوونم کردووە چەند ین جار لە هاتوو چۆدایە و کۆڵ نادا ۰هەر بۆیە گەشبینم چوار ساڵی تری سەرۆکایەتی ئەگەر دەستی دەرەکی ئەقلیمی دزe بکا هەر سەرکەوتوو دەبێ، چونکە ژیان فێری کەورەترین دەرس بۆ بەرژە وەندی کورد کردووە تۆ بڕوانە لە دوای ۱۷ی ئۆکتوبەر چ بارێکی ناخۆش بە سەر کوردا هات چەند زەرەر لەکورد لە رووی ئابووری و سیاسی و روشنبیری و دەروونی لەکورد کەوت، نێچیرڤان بارزانی بە تەنیا چووە بەغداو دۆخەکەی رەوانەوە. ئەو رێسەی عەرەب ودوژمنانی کورد دوروبوویان هەمووی هەڵوەشایەوە و پەیوەندیەکان ئاسایی بۆوە. ئائەمەیە نێچیرفان بارزانی، ئەزموونی حوکمداری جوانترین وانەی فێر کردووە و کۆڵ ناداو بۆ دواوە ناگەرێتەوەوئەزمونەکەیشی یارمەتیدەربووەو هیوای سەرکەوتنی بۆ دەخوازم چونکە هەمیشەرووخۆش وگەشبینە ئەمە وانەی سەرکەوتنەکانیەتی”.

Share.

About Author

بوچون نوسین داخراوە.

Social Media Auto Publish Powered By : XYZScripts.com