کاڵێ فەقێ وسو: قبوڵکردنی بێ مەرجی کاندیدکردنی نێچیرڤان بارزانی لەلایەن هەموان، بۆ سەرکەوتنەکانی دەگەڕێتەوە

0

نوچەنێت: تایبەت

نێچیرڤان بارزانی تەنھا کاندیدە بۆ سەرۆکایەتی ھەرێم. ئەزمونێکی باشی لە پەیوەندی نێوان لایەنە سیاسییەکان ھەیە. ئایا چوارساڵی سەرۆکایەتی ئەو لەم پۆستە چۆن دەبێت؟ ئایا وەک ئەوەی دۆخی کوردستان پێویستی پێیەتی ئەزمونی رابردووی وا دەکات گەشبین بین لەوە. ئەزمونی حکومەتداری دیپلۆماسیەتی ئەو تاچەند یارمەتیدەری سەرکەوتنی دەبێ ؟

کاڵێ فەقێ وسو، چالاکوان و قوتابی ماستەر لە یاسا، دەڵێت، نێچیرڤان بارزانی هەمیشە لە لوتکەدا بینراوە”نێچیرڤان بارزانی بە درێژایی حوکمرانی کوردستان، ناوێک بووە لە لوتکەی سەرکەوتن دا بینراوە . ئەو هەڵقوڵاویی ژیانێکی پڕ لە سەربەرزی خەبات و تێکۆشانە لە سەردەمی ژیانی شاخ لەپێناو ئازادی کوردستان، هەروەها لە بەهێزترین قوتابخانەی نەتەوەیی و نیشتیمانیدا پێگەیشتووە و تێگەیشتوە لە وانەکانی نیشتیمانپارێزی و خۆشەویستی گەل و خاک. لە گرنگترین تایبەتمەندییەکانی کاک نێچیرڤان وەکو سەرکردە و سەرۆک حکومەت، دوربینی و هەوڵ دانی بۆ هاتنە دی خەونەکانی ئاسودەیی و ئاوەدانی و خۆشگوزەرانییە بۆ کوردستان. هەروەها، لە پێوەرەکانی هەڵسەنگاندنی حوکمرانێکی باش، سەربەخۆی لە کارکردن و جورئەتی بڕیاردان و بەڕێوەبردنێکی کارامەیە، . بۆیە بە شاهیدی دڵسۆزان و حەقبێژان و هاونیشتیمانیانی خاوەن ویژدان، دەتوانین بڵێین کە تا ڕادەێەکی زۆر، سەرکەوتنی بەرچاوی تۆمار کردووە. لە بیرمان نەچێت جەنابی سەرۆک مەسعود بارزانی بەهێزترین و کاریگەرترین پشتیوان و پاڵپشتی سەرکەوتنەکانی کاک نێچیرڤان بووە. بۆیە دوای چەندین ساڵ لە بەرێوەبردنی دەسەڵاتی جێبەجێکرن”.

کاڵێ ئاماژە بە قبوڵکردنی بێ مەرجی بارزانی لەلایەن لایەنەکانیترەوەدەکات” نێچیرڤان بارزانی، ئەستێرەیەکی گەشە لە ئاسمانی سەروەرییەکانی هەرێمی کوردستان کە دەدرەوشێتەوە. کاندیدبونی بەڕێزیان بۆ بەرزترین پۆستی سیاسی وڵات، لە لایەن پارتی دیموکراتی کوردستان و قەبوڵکردنی بێ بێمەڕجی لە لایەن ئەحزابە سیاسییەکان، ئەوە دەسەلمێنێ کە ئەو توانیویەتی کاریزما بێت لە بواری دیبلۆماسی و بەرێوەبردن و حوکمێکی باش. هەرچەندە، ئەوە بەو واتایە نییە کە کەم و کوڕی و رەخنە و گلەیی و نادادپەروەری لە کابینەکانی حکومەت، بونی نەبووە. بەڵام بە لەبەرچاوگرتن و هەڵسەنگاندنی دۆخە نەخوازراو و پرگرفتە حەقیقی و دروستکراوەکان، ئەو توانیویەتی کوردستانێکی ئارام و ئاوەدان بۆ هاونیشتیمانیان دروست بکات. ئەزمون و دیبلۆماسیەت و هێزی نەرمی نێچیرڤان بارزانی لە سەرۆکایەتی حکومەتی هەرێمی کوردستان، هاوکات لە گەڵ پشتیوانی بەردەوامی جەنابی سەرۆک مەسعود بارزانی و سەرکردایەتی پارتی و دڵسۆزانی کوردستان، دڵنیایی دەدات کە لە سەرۆکایەتی هەرێمی کوردستان سەرکەوتو دەبێت و بەرەو کوردستانێکی بەهێزتر هەنگاو دەنێین”.

Share.

About Author

بوچون نوسین داخراوە.

Social Media Auto Publish Powered By : XYZScripts.com