سکاڵا لەسەر شاسوار عەبدولواحید تۆمار دەکرێت

0

نوچەنێت

ئەمڕۆ چەند رۆژنامەنووسێکی شاری سلێمانی، لە دادگا سکاڵایان لەسەر جووڵانەوەی نەوەی نوێ و شاسوار عەبدولواحید، سەرۆکی جووڵانەوەکە، بە هۆی ناوزڕاندن و بەکارهێنانی پەیجی ساختە بۆ هێرشکردنە سەریان، تۆمار کرد.

رۆژی هەینی رابردوو، ئاسایشی سلێمانی ددانپێدادانی چەند ئەندامێکی جووڵانەوەی نەوەی نوێی بڵاو کردەوە، کە بەڕێوەبەری چەند پەیجێکی ساختە بوون و هێرشیان دەکردە سەر کەسیاتییە سیاسییەکان و هەڕەشەی بڵاوکردنەوەی چەند وێنە و ڤیدیۆیەکی نەشیاو و تایبەتیی چەند ئەندام پەرلەمانێکیان کردبوو.

رۆژنامەنووس کەمال رەئووف، لە بەردەم دادگای سلێمانی بە میدیاکانی راگەیاند “سکاڵامان لە دژی ئەو پەیجە بێ ناسنامانە تۆمار کردووە، کە تیرۆری مەعنەویی دەکەن و سەر بە نەوەی نوێ و شاسوار عەبدولواحیدن”.

کەمال رەئووف راشیگەیاند “لە رێگای ئەو پەیجانەوه‌ هێرش کراوەتە سەر خۆمان، خێزان و دەزگا میدیاییەکانمان، بۆیه‌ داوای قەرەبووی ماددی و مەعنەوی دەکەین”.

هەروەها هەر یەک لە دەزگاکانی شارپرێس، زەمەن، تۆڕی هەواڵی شار و ژیان، سکاڵایان تۆمار کردووە و داوای سزای یاسایی شاسوار عەبدولواحید دەکەن، چونکە بە گوتەی خۆیان، ئەو جۆرە پەیجانە جیا لە هێرشی مەعنەوی، هێرشیشن بۆ سەر ئازادیی رادەربڕین.

Share.

About Author

بوچون نوسین داخراوە.

Social Media Auto Publish Powered By : XYZScripts.com