بەهۆی کێشەی زەویوزار کەسێک کوژرا

0

       نوچەنێت

سەرلەبەیانی ئەمڕۆ چوار شەممە به‌هۆی کێشه‌ی زه‌وی وزار لەنێوان دووبنەماڵەدا، لە گوندێکی سەربە قەزای سەیدسادق که‌سێک کوژرا.                                                                                                                                 

ڕاگەیەیاندنی قایمقامیەتی قەزای سەیدسادق، ڕایگەیاندووە”سه‌ر له‌ به‌یانی ئه‌مڕۆ چوارشه‌مه‌ (١٥-٥-٢٠١٩)له‌ گوندی دۆڵاشی سه‌ر به‌قه‌زای سەیدسادق، به‌هۆی دروست بوونی کێشه‌ له‌ نێوان دوو بنه‌ماڵه‌ له‌سه‌ر زه‌وی وزاری کشتوکاڵی، هاووڵاتیه‌کی (٥٦) ساڵ به‌ ناوی (ابراهیم احمد فتاح ) کوژرا.                                                              

بەپێێ ڕاگەیاندراوەکەی ڕاگەیاندنی قایمقامیەتی سەیدسادق، پاش ڕووداوه‌که‌، ده‌ست به‌جێ هێزه‌ ئه‌منیه‌کان له‌ به‌ڕێوه‌به‌رایەتی به‌شی پۆلیسی سەیدسادق و یاریده‌ده‌رێتی ئاسایش گه‌شتنه‌ شوێنی ڕووداوه‌که‌ و توانرا تۆمه‌تباری ڕووداوه‌که‌ بگرن و ڕاده‌ستی دادگای بکه‌ن.                                                                                                          

لە ڕاگەیەندراوەکەدا هاتووە”ته‌رمی هاووڵاتیه‌که‌ ڕه‌وانه‌ی پزیشکی دادوه‌ری سلێمانی کرا، وه‌ به‌فه‌رمانی به‌ڕێز دادوه‌ری دادگای سیدسادق په‌ڕاوی لێکۆڵینه‌وه‌ بۆ دۆسییه‌که‌ کراوه‌ته‌وه‌ و لێکۆڵینه‌وه‌ی زیاتر له‌ ڕووداوه‌که‌ به‌رده‌وامه‌”.                                                                                       

     ئاماژە بەوەشکراوە، کە له‌ ئێستادا له‌ لایه‌ن هێزه‌ ئه‌منییه‌کانه‌وه‌ شه‌ڕه‌که‌ کۆتایی پێهاتووه‌ و خانه‌واده‌ و ماڵی هه‌ردوولایان، له‌ ژێری چاودێری دان تا ڕێگیری بکرێت له‌ دروست بوونی هه‌ر کێشه‌ و شه‌ڕێکی تر.                                                                                                                                                     

Share.

About Author

بوچون نوسین داخراوە.

Social Media Auto Publish Powered By : XYZScripts.com