وەزارەتێک بۆ تورکمانەکان یەکلایی دەکرێتەوە

0

نەوزاد عەلی-سلێمانی

پەرلەمانتارێکی تورکمانی لە پەرلەمانی کوردستان ڕایدەگەیەنێت، وەزیری هەرێم بۆ پێکهاتەی تورکمانی یەکلایی کراوەتەوە، دەشڵێت “بۆ دیاری کردنی کاندید هیچ گرفتێکمان نییە”.

هەفتەی ڕابردوو مەسرور بارزانی کاندیدی ڕاسپێردراو بۆ پێکهێنانی کابینەی نوێی حكومەتی هەرێمی کوردستان، سەردانی پێکهاتەی تورکمانی کورد، لایەنە تورکمانییەکان داویان کردبوو توکمان بەشێوەیەکی کارا بەشداری لەحکومەتدا بکەن، ئەویشی بەڵێنی پێدابوو کە داواکاریییەکانیان هەنگاو بەهەنگاو جێبەجێبکات. 

بە گویرەی زانیارییەکان، تاکە کاندیدی تورکمانەکان بۆ وەزارەت لە کابینەی نوێ حکومەتی هەرێمی کوردستان ئایدن مەعرووف، جێگری سەرۆکی بەرەی تورکمانی دەبێت.  

لە لێدوانێکی تایبەت بە نوچەنێت، ئایدن مەعروف، سەرۆکی فراکسیۆنی بەرەی تورکمانی لە پەرلەمانی کوردستان، سەبارەت بە پێدانی وەزارەتێک بە تورکمانەکان لە حكومەت، رایگەیاند “مەسرور بارزانی، کاندیدی ڕاسپێردراو بەڵێنی پێداوین، کە پۆستی وەزیرێكی هەرێممان لە کابینەی نۆیەمی حکومەتی هەرێم پێبدات، ئێستا ئەو پۆستە بەتەواوی بۆ لایەنە توركمانییەکان یەکلایی کراوەتەوە”.  

ئایدن مەعروف ئاماژەی بۆئەوەکرد، سێ وەزیری هەرێم لە کابینەی نوێی حکومەتی هەرێم هەیە، بۆیە ئەم پۆستە تەنها پشکی تورکمانەکان و نادرێتە حزبەکانی تر، گوتیشی “هەرکاتێک کابینەی نوێی حکومەتی هەرێم پێکهێنرا ناوی ئەو وەزارەتەی، کە دەدرێت بە پێکهاتەی تورکمانی دیاری دەکرێت”.

سەبارەت بە دیاریکردنی کاندید، سەرۆکی بەرەی تورکمانی دەڵێت “تا ئێستا کاندیدمان دیاری نەکردووە، بەڵام بۆ دیاری کردنی کاندید هیچ گرفتێکمان نییە و لە ئایندەیەکی نزیکدا کاندیدی خۆمان دیاری دەکەین و سیڤییەكەشی ئاراستەی كاندیدی ڕاسپێردراوی حكومەتی نوێ دەكەین”.     

Share.

About Author

بوچون نوسین داخراوە.

Social Media Auto Publish Powered By : XYZScripts.com