پارتی و یەکێتی لە بارەی کەرکوک ـەوە رێککەوتن

0

نوچەنێت

دوای كۆبوونەوەی ئەمڕۆی شاندی پارتی و یەكێتی نیشتمانی لە سلێمانی، کاندیدی پارێزگاری كەركوك ـیان دیاركرد.

لە كۆنفرانسێكی رۆژنامەوانیدا مەحموود محەمەد، گوتەبێژی پارتی و حاكم قادر حەمەجان كارگێڕی مەكتەبی سیاسی یەكێتی رایانگەیاند، كە رێككەوتوون لەسەر دیاركردنی ته‌یب جه‌بار ئەمین وەك پارێزگاری كەركوك.

حاکم قادر لە کۆنفرانسەکەدا رایگەیاند “پشتیوانی لە کابینەی نوێ دەکەین و ئومێدەوارین هەموو لایەک پشتیوانیی پەیڕە و پڕۆگرامەکانی بکات”.

لای خۆیەوە مەحمود محەمەد گوتی “پێکهینانی کابینەی نوێ سەرکەوتن بوو بۆ خەڵکی کوردستان”. راشیگەیاند “کەرکوک بارێکی نائاسایی هەبووە و ویستوومانە ئەو بارە نائاساییە بگۆڕین. سەقامگیریی ئەمنیی بگەڕێندرێتەوە”.

گوتەبێژی پارتی ئاماژەی بەوەشدا “لیژنەی هاوبەش هەیە بۆ گفتوگۆکردن لەگەڵ بەغدا و گرنگە هەموو لایەک بەشداربن لە ئیدارەدانی کەرکوک”. ئاشکراشیکرد “لیستی برایەتی بڕیاریداوە تەیب جەبار ئەمین وەک پارێزگاری نوێ کەرکوک دیاری بکات”.

مەحموود محەمەد ئەوەشی خستەڕوو “ئەگەر پێکەوە کارکردن هەبێت لە کەرکوک، دەکرێت ئەو شارە کە لەسەر دەریایەک لە داهاتە خزمەتی پێویست بکرێت”.

Share.

About Author

بوچون نوسین داخراوە.

Social Media Auto Publish Powered By : XYZScripts.com