حەشدی شەعبی بۆردوومان کرا

0

نوچە: ئاژانسەکان

به‌ره‌به‌یانی ئه‌مڕۆ، سه‌ربازگه‌یەکی حەشدی شەعبی له‌ پارێزگای سه‌ڵاحه‌ددین، له‌ رێگه‌ی فڕۆكه‌یه‌كی بێ فڕۆكه‌وانه‌وه‌ دووجار بۆردومانكراوه‌.

کومیتەی راگەیاندنی سوپای عێراق ئاشکرای دەکات، کە به‌ره‌به‌یانی ئه‌مڕۆ هه‌ینی ١٩-٧-٢٠١٩، سه‌ربازگه‌ی شوهه‌دا، کە حەشدی شەعبی لێیە له‌ ناحیه‌ی ئامرلی، له‌ پارێزگای سه‌ڵاحه‌ددین، له‌ رێگه‌ی فڕۆكه‌یه‌كی بێ فڕۆكه‌وانه‌وه‌ دووجار بۆردومانكراوه‌ و به‌و هۆیه‌وه‌ كەسێك كوژراوە و دووی دیكەش برینداربوونە.

بەگوێرەی راگەیاندنی سوپای عێراق ئاماژه‌ی بۆ کردووە، تا ئێستا نازانرێت بۆردومانه‌كه‌ كێ ئه‌نجامی داوه‌ و سه‌رچاوه‌كه‌ی دیار نییه‌.

به‌ گوێره‌ی چه‌ند سه‌رچاوه‌یه‌كی دیكه‌، بۆردومانه‌كه‌ كۆگایه‌كی مووشه‌كی بالیستی كردووه‌ته‌ ئامانج‌.

هه‌روه‌ها فه‌رمانده‌ی ئۆپه‌راسیۆنه‌ هاوبه‌شه‌كان له‌ عێراق بۆردومانه‌كه‌ی پشتڕاستكردووه‌ته‌وه‌ و رایگه‌یاندووە، كه‌ باره‌گاكانی كه‌تائبیی حزبوڵڵا لە باشووری كه‌ركوك كراوه‌ته‌ ئامانج.

پێشتر ئیسرائیل چه‌ند جارێك هه‌ڕه‌شه‌ی ئه‌وه‌ی كردبوو، پێگه‌كانی ئێران له‌ناوخۆی عێراقیش ده‌كاته‌ ئامانج، به‌ڵام تا هیچ راگه‌یه‌ندراوێكی له‌و باره‌یه‌وه‌ ده‌رنه‌كردووه‌ و به‌رپرسیارێتی خۆی رانه‌گه‌یاندووه‌.

ناحیه‌ی ئامرلی سه‌ر به‌ پارێزگای سه‌ڵاحه‌ددینه‌ و لە باشووری كه‌ركوك هەڵکەوتووە.

Share.

About Author

بوچون نوسین داخراوە.

Social Media Auto Publish Powered By : XYZScripts.com