سه‌رۆكی هه‌رێم و سه‌رۆكی كلێسای كلدانی له‌ عێراق و جیهان کۆبوونەوە

0

نوچە

ئه‌مڕۆ سه‌رۆكی هه‌رێمی كوردستان و سه‌رۆكی كلێسای كلدانی له‌ عێراق و جیهان و شاندێكی یاوه‌ری، جه‌خت له‌سه‌ر گرنگیى پێکەوەژیان و لێبوردەیىان لە هەرێمى کوردستان کردەوە.‌

ئه‌مڕۆ چوارشەممە ٧-ی ئەگۆست، له‌ كۆبوونه‌وه‌یه‌كی نێوان نێچیرڤان بارزانی، سه‌رۆكی هه‌رێمی كوردستان و سه‌رۆكی كلێسای كلدانی له‌ عێراق و جیهان و شاندێكی یاوه‌ری، جه‌خت له‌سه‌ر گرنگیى پێکەوەژیان و لێبوردەیى لە هەرێمى کوردستان کردەوە و له‌ كۆبوونه‌وه‌كه‌دا پارتریارکى کاردینال لویس ڕافائێل ساکۆ، سەرۆکى كلێسای کلدانی لە عێراق و جیهان، پیرۆزبایی دەستبەکاربوونى لە نێچیرڤان بارزانى، سەرۆکى هەرێمى کوردستان کرد و هیواى سەرکەوتنى بۆ خواست.

بەگوێرەی راگەیێندراوەی کۆبوونەوەکە، پارتریارکى کاردینال ساکۆ و شاندی یاوەرى کە لە ئەسقوفەکانى کلێسا و نوێنەرانى ئەبریشە کلدانییەکان لە عێراق و جیهان پێکهاتبوون، تیشکیان خستە سەر دۆخى کلدانییەکان بەتایبەتى و مەسیحییەکان بەگشتى لە عێراق، هەرێمى کوردستان، ناوچەکە و جیهان.

هه‌ر له‌و كۆبوونه‌وه‌یه‌دا سەرۆکى هەرێمى کوردستان و شاندى کلێسای کلدانى لە عێراق و جیهان کە بەمەبەستى کۆبوونەوەى ساڵانەیان لە هەولێرن، جەختیان لە گرنگیى پێکەوەژیان و لێبوردەیى لە هەرێمى کوردستان و عێراق و دابینکردن و پاراستنى مافەکانى هەموو پێکهاتە ئایینى و نەتەوەییەکان کردەوە.

Share.

About Author

بوچون نوسین داخراوە.

Social Media Auto Publish Powered By : XYZScripts.com