لەبارەی هەڵبژاردنی داهاتوو هۆشداری دەدرێت

0

نوچە: تایبەت

سەرۆکی لیژنەی ناوچەکوردستانییەکانی دەرەوەی ئیدارەی هەرێمی کوردستان رایدەگەیەنێت، پلامان ئامادەیە لەبارەی ئەنجامدانی هەڵبژاردن لە پارێزگاکان کە بەزیانی کورد بڕیاری لێدراوە و دەشڵێت “بڕیاری دادگای فیدراڵی و ئەنجومەنی وەزیران کارئاسانییەکی باش دەبێت بۆ جێبەجێکردنی ماددەی ١٤٠ـی دەستووری عێراق”.

بەگویرەی ماڵپەڕی فەرمی حكومەتی هەرێمی كوردستان لە کۆبوونەوەی رۆژی چوارشەممە ٧-٨-٢٠١٩، كە مەسروور بارزانی، سەرۆکی ئەنجومەنی وەزیران، ئاماژەی بە بڕیاری دادگای باڵای فیدراڵی ژمارە (٧١)ی ٢٠١٩، لە ٢٠١٩-٧-٢٨ تایبەت بە راڤەکردنی مادەی ١٤٠ی دەستوور کرد، کە تێیدا بڕیار درا بە زیندوومانەوەی ماددەی ئاماژەپێکراو.

لەمبارەیەوە بڕیاری پێکهێنانی لیژنەیەکی تایبەت لە ئەنجوومەنی وەزیران درا بە هەماهەنگی لەگەڵ دەستەی گشتیی ناوچە کوردستانیەکانی دەرەوەی ئیدارەی هەرێمی کوردستان بۆ بەدواداچوون و گفتوگۆکردن لەگەڵ بەغدا بۆ دانانی رێکارەکانی جێبەجێکردنی مادەی ١٤٠ بە پێی بڕیارەکەی دادگای فیدراڵی.

لە لێدوانێکی تایبەت بە نوچەنێت، جوان یونس، سەرۆکی لیژنەی ناوچە کوردستانییەکانی دەرەوەی ئیدارەی هەرێمی کوردستان لە پەرلەمانی کوردستان، لەبارەی هەڵوێست و پلانیان هاوشانی حکومەت تایبەت بەو ناوچانە (ماددەی ١٤٠) رایگەیاند: ئێمە پلامان ئامادەیە، بەتایبەت لەبارەی ئەنجامدانی هەڵبژاردن لە پارێزگاکان، کە لە بڕگەیەک ئاماژەبەوەدراوە، کە ئاوارەکان ناتوانن لە پارێزگای خۆیان دەنگ بدەن، کەئەمەش بەزیانی کوردە و کاریگەری لەسەر دەنگی کورد دەبێت. هەروەها لەگەڵ کۆمەڵێک کێشە و گرفتی دیکە. دەشڵێت “لە دوای پشووی رۆژانی جەژن سەردانی بەغدا دەکەین و لە گەڵ حکومەتی هەرێمی هاوئاهەنگی دەکەین”.

جوان یونس جەخت لە جێبەجێکردنی ماددەی ١٤٠ دەکاتەوە و دەڵێت، دەبێ رێکارەکانی جێبەجێ کردنی ماددەی ١٤٠ دەستپێبکرێت. ئاماژەی بە بڕیاری ئەنجومەنی وەزیرانی هەرێم کرد و گوتی “ئەو بڕیارە بە دڵنیاییەوە کارئاسانی و هاوئاهەنگییەکی باش دەبێت لە گەڵ کاری لیژنەکەی ئێمە، بەڵام ئێمە وەک لیژنەی پەرلەمان، دەبێ کار لەسەر ئەو بابەتە بکەین، چونکە هەموو کەیسەکان بە ئاسانی نایەتە بەردەستی ئێمە و دەبێ وەک لیژنەی پەرلەمان لە کەناڵی خۆمانەوە هەوڵی بۆ بەدەین”.

سەرۆکی لیژنەی ناوچە کوردستانییەکانی دەرەوەی ئیدارەی هەرێم پێیوایە دەبێ فشار بخرێتە سەر هەردوو حکومەتی هەرێم و بەغدا بۆ جێبەجێکردنی ماددەی ١٤٠-ی دەستووری عێراق.

Share.

About Author

بوچون نوسین داخراوە.

Social Media Auto Publish Powered By : XYZScripts.com