مامۆستایانی وانەبێژ چاوه‌ڕێی بڕیاری حكوومه‌ت ده‌كه‌ن

0

نەوزاد عەلی-سلێمانی

جێگری سەرۆکی یەکێتی مامۆستایانی کوردستان رایدەگەیەنێت، لە ٩٠% ی مامۆستایانی گرێبەست خزمەتیان لە ٣ ساڵ زیاترە و دەبنە هەمیشەیی.  

دوێنێ رۆژی چوار شەممە، ئەنجوومەنی وەزیرانی هەرێمی کوردستان، بڕیاری بە هەمیشەییکردنی مامۆستایانی گرێبەستی لەسەر میلاکی وەزارەتی پەروەردە پەسەندکرد، نزیکەی ٥ هەزار مامۆستای گرێبەست و ١١ هەزار مامۆستای وانەبێژ وەک مامۆستا لە ناوەندەکانی خوێندنی سەر بە وەزارەتی پەروەردەی حکوومەتی هەرێمی کوردستان وانە دەڵێنەوە.  

لە لێدوانێکی تایبەت بە نوچە، ئەحمەد گەرمیانی، جێگری سەرۆکی یەکێتی مامۆستایانی کوردستان، سەبارەت بە بڕیاری دامەزراندی مامۆستایانی گرێبەست، ڕایگەیاند “بڕیارەکەی ئەنجوومەنی وەزیران بۆ بە هەمیشەیی کردنی مامۆستایانی گرێبەستە، بەڵام بەپێی ئەو گرێبەستەی کە لە نێوان حکوومەتی هەرێمی کوردستان و مامۆستایانی گرێبەست هەیە دەبێت، خزمەتیان لە ٣ ساڵ تێپەڕیبێت ئەوکات دەتوانن داوای دامەزراندن بکەن، ئەو ئامارەی لای ئێمەیە لە ٩٠% ی مامۆستایانی گرێبەست خزمەتیان لە ٣ ساڵ زیاترە”. 

ئەحمەد گەرمیانی ئاماژە بەوە دەکات، ئەو مامۆستا گرێبەستانەشی لە جیاتی دانانیان بۆ کراوە، ئەگەر خزمەتیان لە ٣ ساڵ تێپەڕیبێت، بەپێی گرێبەستەکەیان دەبنە هەمیشەیی. 

سەبارەت بە مامۆستایانی وانەبێژ، گوتی “ئەم بڕیارەی حكوومەت بڕیارێکی گرنگبوو، پێشبینی دەکەین لە ئایندەدا حكوومەتی هەرێم بڕیارێکیش لە بەرژەوەندی مامۆستایانی وانەبێژ دەربکات، وەک یەکێتی مامۆستایانیش هەوڵ دەدەین کار بۆ مامۆستایانی وانەبێژیش بکەین”.                              

Share.

About Author

بوچون نوسین داخراوە.

Social Media Auto Publish Powered By : XYZScripts.com