داود ئۆغلۆ: ئێمە دژی سیستەمی سەرۆكایەتین بۆ توركیا

0

نوچە

ئەمڕۆ (هەینی ١٣-١٢-٢٠١٩) ئەحمەد داود ئۆغلو، سەرۆك وەزیرانی پێشووی توركیا، پارتە تازەكەی بەناوی پارتی GELECEK (ئایندە) ڕاگەیاند.

ئەوە لەکاتێکدایە ماوەی یەك ساڵە، ئەحمەد داود ئۆغلو، ئامادەكاری دەكات بۆ ڕاگەیاندنی پارتە نوێیەکەی، ئەمڕۆش خستییە بواری جێبەجێ كردنەوە و پارتی (ئایندە)ی ڕاگەیاند.

لە وتارەكەیدا داود ئۆغلو باسی لەوە كرد، كە پێویستە لە توركیا دادگا بێلایەن بێت و هیچ كەسێكیش بەهۆی بیری ئازاد و نووسینەوە دەستگیر نەكرێت و دەبێت وڵاتێكی یاسایی بونیاد بنێن، كە جیاوازی لە نێوان كەسدا نەكات.

لە درێژەی وتارەكەیدا ئاماژەی بەوەش دا، کە دەبێت دەسەڵاتی پەرلەمان زیاد بكرێت و سیستەمی سەرۆكایەتیی لە توركیا، سەركەوتنی بەدەستنەهێناوە.

داودئۆغلو گوتیشی، دەبێت بۆ برەودان بە دیموكراسی و ئازادی، سەرلەنوێ دەستوورێكی تازە بۆ توركیا بنووسرێتەوە و دەستوورەكەش زیاتر مەدەنی و دیموكراتی بێت و ئازادی تاك و یاساشی تێدا جێگیر بكرێت.

داودئۆغلو دەشڵێت، لە ٢٠١٦ دەستووری توركیا هەموار كرایەوە و سیستەم بووە سەرۆكایەتی، بەڵام ئەگەر بتەوێت باس لە دیموكراتی بكەیت لە سیستەمی سەرۆكایەتیدا مومكین نییە و ناكرێت، بۆیە پارتەكەمان پشتگیری لە سیستەمی پەرلەمانیەكی بەهێز دەكات، كە دادگا بێلایەن بێت و ئازادی و دیموكراتیش لە برەوداندا بێت؛ ئێمە دژی سیستەمی سەرۆكایەتین بۆ توركیا. گوتیشی ”كۆمەڵگایەكی مەدەنی بە دروستكردنی بینای گەورە دروست نابێت، بەڵكو بە وێژدانێكی قووڵ دروست دەبێت”.

داواشی كرد وەڵامی ئەو كەسانە نەدەنەوە كە جنێو دەدەن و هێرش دەكەنە سەریان، چونكە زمانی ئەوان زمانێكی ئاشییە و زمانی شەڕكردن نییە، كە مەبەستی ئاكەپە و رەجەب تەییب ئەرۆغانە، چونكە هەفتەیەكە ئەردۆغان باس لە گەندەڵییەكانی داودئۆغلو دەكات و بە خائینیش ناوی دەبات.

داودئۆغلو ئەوەشی خستەڕوو، كە دەسەڵاتی ئێستا هیچ شتێكی پێ نییە بۆ گەنجان و ئافرەتان و كۆمەڵگە، هەمیشە باسی ڕابردوو دەكەن، بۆیە كاتێك ئێمە باس لە ئاییندەیە و باس لە گەنج و ئافرەت و ئاییندەیەكی باش بۆ وڵات دەكەین توڕە دەبن و پەلامارمان دەدەن.

Share.

About Author

بوچون نوسین داخراوە.

Social Media Auto Publish Powered By : XYZScripts.com