زانیاری لەبارەی ناردنی موچەی ئەم مانگە لەلایەن بەغدا

0

نوچە-روداو

نوێنەری حکومەتی هەرێمی کوردستان لە بەغدا لە بەرنامەی نووڕۆژی دۆستانی رووداودا باسی لەوە کرد، وەزیری دارایی عێراق ناردنی مووچەی هەرێمی کوردستانی واژۆ کردووە و دەنێردرێت. 

لەم هەفتەیەدا چەند هەواڵێک بڵاوبوونەوە کە گوایە بەشە بودجەی هەرێمی کوردستان لە بەغدا رادەگیردرێت. فارس عیسا، نوێنەری حکومەتی هەرێمی کوردستان لە بەغدا رایگەیاند، “ئەوەی لە راگەیاندنەکانەوە باسکراوە راست نییە.

د. فواد حسێن ناردنی بەشە بودجەی هەرێمی کوردستانی واژۆ کردووە و دەنێردرێت. دواکەوتنەکەی بەهۆی هەندێک گۆڕانکاریی نێوخۆی وەزارەتەوە بووە”. 

لەبارەی پەیوەندییەکانی هەردوو حکومەتی هەرێمی کوردستان و عێراقەوە فارس عیسا ئاماژەی بەوە کرد، “هیچ کێشەیەک لە پەیوەندییەکاندا نییە. هەندێک کەس هەن کە پێیانخۆشە کێشە هەبێت و لە حکومەتی عێراقەوە کێشەی دارایی بۆ حکومەتی هەرێمی کوردستان دروستببێت”. بەشە بودجەی هەرێمی کوردستان هەفتەیەک لەمەوپێش واژۆکراوە بەهۆی پشووەکان و چەند گۆڕانکارییەکی نێوخۆی وەزارەتی داراییەوە دواکەوتووە. نوێنەری حکومەتی هەرێمی کوردستان لە بەغدا ئاماژەی بەوە کرد، “هیچ مەترسییەک لەسەر مووچە و شایستەی دارایی خەڵکی هەرێمی کوردستان نییە. ئەم هەفتەیە بەشە بودجەکە دەنێردرێت”.

Share.

About Author

بوچون نوسین داخراوە.

Social Media Auto Publish Powered By : XYZScripts.com