خۆراك لە بازاڕەكان زۆرە، بەڵام ساغ نابێتەوە

0

شلێر سەعید: هەولێر 

بەڕێوەبەری کۆمپانیایەک، حکومەت دەبێت کارئاسانی زیاتر بۆ بازرگانان بکات چونکە دەمانەوێت کۆگاکان پربن لە خۆراک و پێداویستی تا حکومەت دڵنیا بکەینەوە، کە دەتوانین خۆراکی پێویست لەناوخۆدا هەڵگرین، بۆ هەر ئەگەرێکی نەخوازراو بێتە بەردەممان.

لە ماوەی سێ مانگی رابردوودا زیاتر لە 750 ھەزار تۆن خۆراك ھاوردەی بازاڕەكانی ھەرێمی كوردستان كراوە، بەھۆی زۆری بڕی خۆراك لە بازاڕدا كۆگاكان كێشەی ساغكردنەوەیان بۆ دروست بووە، فرۆشیاران دەڵێن، ھەموو جۆرە خۆراكێك بە زیادەوە لە بازاڕەكاندا ھەیە و نرخیشیان گران نەبووە.  

گوتەبێژی وەزارەتی بازرگانی دەڵێت، كارئاسانی زۆركراوە بۆ بازرگانان بە مەرجێك پابەندی ڕێنمایە تەندروستییەكان و ڕێكارەكان بن.

 لە مانگی 3ی 2020 و لەگەڵ هاتنی ڤایرۆسی كۆرۆنا  بەردەوام خۆراك لە دەروازە سنوورییەكان ھاوردەی بازاڕەكانی ھەرێمی كوردستان دەكرێت. بەپێی راپۆرتی وەزارەتی بازرگانی، لەماوەی سێ مانگی رابردوودا زیاتر لە 750 ھەزار تۆن خۆراك ھاوردەی ھەرێمی كوردستان كراوە، ئەمەش وایكردووە بازاڕ دووچاری گرانی نرخ و كەمبوونەوەی جۆری خۆراكەكان نەبێتەوە.

سامان محمد، فرۆشارێكی مەوادی خۆراكە دەڵێت، كێشەمان نەبونی بەرهەمی خۆراك نییە، كێشەی ئێمە سستی بازاڕە و ئەوەش بەهۆی ڤایرۆسی كۆرۆنا و كەم بونەوەی گەشت و نەبوونی دەوام هاوكات نەبوونی موچەش كاریگەری هەبووە لەسەربازاڕەكان.

  دەشڵێت، كۆگاكان كێشەی ساغكردنەوەیان بۆ دروست بووە، گەرنا ھەموو جۆرە خۆراكێك بە زیادەوە لە بازاڕەكاندا ھەیە و نرخیشیان گران نەبووە.  

بەرهەم بورهان، بەڕێوەبەری ڕێگەپێدراو لە كومپانیای بورهان، لە گفتوگۆیەكی دا لەگەڵ نوچە، باس لەكاریگەری و زیانەكان دەكات، كە بەهۆی ڤایرۆسی كۆرۆنا ڕوبەرویان بۆتەوە و دەڵێت، ئێمە وەک کۆمپانیای بورهان، لەسەردەمی بڵاوبونەوەی فایرۆسی کۆفید١٩ بەشێوەیەک کاروباری بازرگانی خاوبوونەوەی بەخۆیەوە بینی ئەمەش بەهۆی راوەستانی بازاڕ و داخستنی بازارەکان لە تەواوی هەرێمی کوردستان و عێراق وە دواکەوتنی موچەی فەرمانبەران لەکاتی بڵاو بونەوەی فایرۆسی کۆرۆنا بۆتە هۆی راوەستانی کارو نەفرۆشتنی کاڵا لە بازاڕو مارکێتەکاندا، ئەمەش زیانی گەیاندووە بە خاوبونەوەی فرۆش و مانەوەی کاڵا لەبازاڕەکان وکۆگاکان کە ئەمش لەماوەی دەرچونیان دەڕوات و پاشان دەبێتە زیان بۆ کۆمپانیا چونکە لەبازاڕەکاندا نافرۆشرێت.

لە وەڵامی لە ئەگەری بەردەوامی کۆرۆنا پلانەكان چین كۆمپانیای بورهان گوتی، ئێمە وەک کۆمپانیای بورهان بەردەوامین لە ئیشوکارەکانمان بەپێی ئەو ڕێنمایە تەندروستیانەی، کەهەیە وە هاوردەکردنی کاڵاو خۆراک لە وڵاتانی ئەوروپاوە بەردەوامە بەپێی خواستی بازاڕو پێداویستی هاوڵاتیان کاڵاکان هاوردە دەکەین، لە هەموو جیهاندا ڕێکارەکانی دەستپێکردنەوەی ژیان و هاتوچۆکردن بەپێی خۆپارێزی ئاسایی بۆتەوە، لەبەردەوامی فایرۆسەکەش ئێمەش لەکار و بازرگانی بەردەوام دەبین تابتوانین باشترین جۆرەکانی خۆراک بۆ هاوڵاتیان دابین بکەین.

دەربارەی لایەنی پەیوەندی دار لەحکومەت چەندە هاوكاریانن بەرهەم بورهان دەڵێت، حکومەتی هەرێمی کوردستان تائێستا کاری بازرگانی لە دەروازەکان رانەگرتووە ئێمەش بەپێی یاساو ڕێنماییە تەندروستیەکان هاوردەی دەکەین، حکومەت دەبێت کارئاسانی زیاتر بۆ بازرگانان بکات چونکە تا ئێستا هاوردەکردنی کاڵاکان بەردەوامە وەدەمانەوێت کۆگاکان پربن لەخۆراک و پێداویستی تا حکومەت دڵنیا بکەینەوە کەدەتوانین خۆراکی پێویست لەناوخۆدا هەڵگرین، بۆ هەر ئەگەرێکی نەخوازراو بێتە بەردەممان، وەحکومەت دەبێت کارئاسانی بۆ کاری بازرگانان بکات بەتایبەت لەدەروازە سنوریەکان کاریان لەسەر قورس نەکات وەپێویستە حکومەت کار ئاسانی زیاتر بکات بۆ ئەو بەرهەمانەی لەناوخۆدا بەرهەم نایەت و لەناوخۆدا پێویستمانە تا نرخەکەی لەسەر هاووڵاتیان هەرزان بکەوێت.  

لە لێدوانێكی تایبەتدا سەبارەت بە جموجۆڵی بازرگانی و كارئاسانیان بۆ بازرگانان سەردار قوربانی، وتەبێژی وەزارەتی  بازرگانی لەهەرێمی كوردستان بۆ نوچە دەڵێت: سەبارەت بە ئاڵو گۆڕی بازرگانی و جموجۆڵەكان ھاوردەكردنی خۆراك لە ئێستا بەهۆی بڵاوبونەوەی ڤایرۆسی كۆرۆنا بازرگانەكان پێویستیان بەهاوكاری هەیە وجۆرێك كارئاسانیان بۆبكرێت لە زمنی ڕێنمایە تەندروستیەكان و وەزیری بازرگانی كارئاسانی بۆكردون و جموجۆڵی بازرگانی نەوەستاوە و پێویستیان بە موافقەی ئۆن لاین نییە لە نێون شارەكان و هەر بارهەڵگرێك، كە لەسنورەوە داخل دەبێ بەمەرجێ‌ سەیارەی ناوخۆبێت نەك دەروە و دەتوانن هاتوچۆ بكەن لەناو هەموشارەكان.

گوتیشی لەلایەكی دیكەوە هەموو ئەو ئۆتۆمبیڵ و بارهەڵگرانەی لە سنور داخڵ دەبێت هەمو ڕێكاری تەندروستیان بۆ گراوەتەبەر و نەمان هیشتووە جموجۆڵی بازرگانی بووەستێت، بەڵام بەمەرجی گرتنەبەری ڕێكاری تەندروستی، و هەر كۆمپانیایەك پابەند نەبوبێت بەڕێنمایەكان سزا دەدریێت.

Share.

About Author

بوچون نوسین داخراوە.

Social Media Auto Publish Powered By : XYZScripts.com