عیراق بەرەو کوێ؟

0

شلێر سەعید

شەوی ٢٦/٢٧-٧-٢٠٢٠، دژ بە نەبوونی خزمەتگوزاری خۆپیشاندان لە چەند پارێزگایەكی عێراق دەستیپێكردەوە. ئەم خۆپیشاندانە درێژکراوەی زنجیرە خۆپیشاندانەکانی پێشتری سەردەمی حکومەتەکەی عادل عەبدولمەهدییە تا ئیستا لەسەردەمی حکومەتەکەی مستەفا کازمیش بەردەوامە و هەندێ کەسایەتی سیاسی پێیوانوایە،  کازمی تەنیا کات دەکوژێت.

لە ماوەی دوورۆژدا لە خۆپیشاندانەکانی عیراق، دوو خۆپیشاندەر گیانیان لەدەستدا و ژمارەیەكی دیكەش برینداربوون. خۆپیشاندەران رووی دەمیان لە سەرۆكوەزیران مستەفا كازمیە بە بەرپرسیاری یەكەمی دەزانن لەوەی روودەدات.

  بەدر زەیادی، ئەندامی لیژنەی ئاسایش و بەرگری لە پەرلەمانی عێراق رایگەیاند، فەرمانی تەقەکردن لە خۆپیشاندەران، لەلایەن دەسەڵاتێکی باڵاوە دراوە، بۆیە حکومەتەکەی مستەفا کازمی لە دەستدرێژی کردنە سەر خەڵکی ناڕازی بەرپرسیارە، داوای سزادانی ئەو کەسانەی کرد، کە فەرمانەکەیان داوە و ئەوانەشی تەقەیان کردووە.

هاوکات، حوسێن عەرەب گوتەبێژی هاوپەیمانی عراقیون، داوای لە سەرۆک وەزیران کردووە، بە زووترین کات، ئەنجامی لێکۆڵینەوە لە بکوژانی خۆپیشاندەران ئاشکرابکات.

ماجد شنگالی، ئەندامی پێشوی ئەنجومەنی نوێنەرانی عێراق دەڵێت: قسەكانی كازمی  سەبارەت بە رووداوەكانی ئەم دواییە بەتایبەت خۆپیشاندانەكان دوورە لە ڕاستی و و ئەو لە بەررسیارێتی هەڵدێت “كازمی زۆر لەسەرخۆیە بۆ جێبەجێكردنی ئەو بەرنامەی هەی بوو بۆ حكومەتەكەی، بەتایبەت سەبارەت بە پرسەكانی كۆرۆنا، قەیرانی دارایی، هەڵبژاردنی پێشوەختە و قەیرانی كارەبا.

شنگالی هەروەها دەڵێت” ئەو ڕوبەڕوبونەوەی هێزی ئەمنی دەیكەن بەرامبەر خۆپیشاندەران ، بیانو هێنانەوەیە لەلایەن كازمی و هەڵاتنە لە بەرپرسیارێتی وو زۆر دوورە لە ڕاستی” .

عەباس سروت، ئەندامی ئەنجومەنی نوێنەرانی عێراق، سەبارەت بە دۆخی خەڵک دەڵێت: عێراق زۆرترین بێكاری و هەژاری تێدایە لەگەڵ ئەوهەمو سەرچاوە داراییەی هەیەتی، هەژاری سەر دەكێشێ بۆ توندوتیژی و تیرۆریستی، كە هەندێك گروپی توندڕە و بەكاریان دێنن.

  عەباس سروست ئاماژەی بەوەشكرد كە “زۆربەی خۆپیشاندانەكانی پارێزگاكان داوای باشكردنی بارودۆخ و هەژاری و بێكاری دەکەن.  ئەو داواكاریانەش مافی خۆیانە و پاڵپشتیان لیێدەكەین. نا بێت هێزە ئەمنیەكان ڕوبەڕویان ببنەوە، چونكە بە پێی دەستور پاڵپشتی دەكات لە خۆپیشاندانی ئاشتیانە گەر داواكاریەكەكان لە جێی خۆی بێت و ئێستا زۆربەی پارێزگاكان لە هەژاری و بێكاری پەنا دەبەن بۆ خۆپیشاندان، بۆداواكردنی خزمەتگوزاری و و باشكردنی هەلی كار و ژیانی خەڵك.

لە لێدوانێكی تایبەتدا ، سەبارەت بە خۆپیشاندانەكانی  عێراق ، عەلی سەعدون  ئەندامی لیژنەی ئابوری و وەبەرهێنان،  لە كوتلەی سائیرونی ئەنجومەنی نوێنەرانی عێراق ، بەنوچەی ڕاگەیاند: ئێستا پلەی گەرما بەرزبووەتەوە بۆیە هاوڵاتی خۆپیشاندان دەكات، بەڵام لە بنەڕەتەوە هەر ئاوو كارەبانیە بەڵكو زۆربەی خزمەتگوزاریەكان نین چ لە ڕوی ئاو و كارەبا، یان پەروەردەو تەندروستی.

گوتیشی، هەمو ئەوانەش پێویستیان بە چاكکردنە  ئەوەش پارەی  دەوێت ، پارەش نییە چونكە تەنها داهاتمان نەوتە ئەوەش هۆكاری سەرەكییە بۆ داڕمانی ئابوری وڵات، كاتێك بودجە بە ملیار هەبوو هیچیان نەكرد و خەرجیش دەکرا.

ئەندامەكەی لیژنەی ئابوری و وەبەرهێنان پێیوایە،  ئەگەر كازمی پیاوی وڵاتە بەڕاستی دەبێت ژێرخانی ئابوری دابین بكات و نابێ تەنها پشت بە داهاتی نەوت ببەستین چونكە ئێستا نەوت هیچ نییە ناتوانین موچەشی پێ بدەین.

عەلی سەعدون ڕونیشی كردەوە كە كاتێك پارە زۆربوو بە ملیار بەهەدەردەدرا ،  لە  ساڵانی٢٠٠١٧، ٢٠٠٨ و ٢٠٠٩،   گرنگیان بە ژێر خانی ئابوری نەدەدا و خزمەتگوزاریەكانیان پێشكەش نەكرد، چونكە هەر سەركردەیەك هاتووە تەنها بەرژەوەندی خۆی ویستوە و چاوی لەوە نەبوە وڵات ئاوەدان كاتەوە.

https://www.france24.com/ar/tag/مظاهرات-في-العراق/ https://www.kurdistan24.net/so/news/98ec9911-eef8-4fb5-a694-050404d5abf

Share.

About Author

بوچون نوسین داخراوە.

Social Media Auto Publish Powered By : XYZScripts.com