نێچیرڤان بارزانى: نابێت هیچ كاریگه‌رییه‌كى سیاسى به‌سه‌ر ئه‌ركى بابه‌شێخ هه‌بێت

0

نوچه‌نێت

ئه‌مڕۆ نێچیرڤان بارزانى سه‌رۆكى هه‌رێمى كوردستان به‌ بۆنه‌ى پیرۆزبایى په‌یوه‌ندى به‌ بابه‌ شێخى ئێزدییه‌كانه‌وه‌ كرد ودووپاتى له‌سه‌ر ئه‌وه‌ كرده‌وه‌ ئه‌ركى بابه‌شێخ ئه‌ركێكى ئاینییه‌ و نابێت هیچ كاریگه‌رییه‌كى سیاسى به‌سه‌ره‌وه‌ بێت.

ماڵپه‌ڕى سه‌رۆكایه‌تى هه‌رێمى كوردستان له‌ راگه‌یه‌نراوێكدا باسى له‌ په‌یوه‌ندییه‌كه‌ كردووه‌ و تێیدا هاتووه‌:

ئه‌مڕۆ شه‌ممه‌ 21/11/2020 به‌ڕێز نێچیرڤان بارزانى، سه‌رۆكى هه‌رێمى كوردستان، له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز بابه‌ شێخى ئێزدییان، پیرۆزباییى ده‌ستبه‌كاربوونى له‌ به‌ڕێزیان كرد و هیواى سه‌ركه‌وتنى له‌ ئه‌ركه‌كه‌یدا بۆ خواست، هه‌روه‌ها هه‌موو پشتگیرییه‌كى بۆ ئێزدییان دووپات كرده‌وه‌.

سه‌رۆك نێچیرڤان بارزانى، جه‌ختى له‌وه‌ كرده‌وه‌ كه‌ ئه‌ركى به‌ڕێز بابه‌ شێخ، ئه‌ركێكى ڕۆحیى ئایینییه‌ و نابێت هیچ كاریگه‌رییه‌كى سیاسى به‌سه‌ر به‌ڕێزیان و ئه‌ركه‌ ئایینییه‌كه‌یه‌وه‌ هه‌بێت، هه‌روه‌ها هیواى خواست كه‌ ببێته‌ چه‌ترى كۆكه‌ره‌وه‌ى ته‌واوى ئێزدییان و بتوانێت سه‌ركه‌وتوانه‌ ڕۆڵى خۆى له‌ ته‌بایى و پێكه‌وه‌ژیان و یه‌كترقبووڵكردنى نێوان پێكهاته‌كانى كوردستان و عێراق بگێڕێت.

لاى خۆیه‌وه‌ به‌ڕێز بابه‌ شێخ سوپاس و پێزانینى خۆى بۆ پیرۆزبایى و به‌سه‌ركردنه‌وه‌ى به‌ڕێز سه‌رۆكى هه‌رێمى كوردستان ده‌ربڕى و داواى كرد به‌ڕێزیان و سه‌رۆكایه‌یه‌تیى هه‌رێمى كوردستان و ته‌واوى لایه‌نه‌ په‌یوه‌نداره‌كان له‌ هه‌رێمى كوردستان له‌ هاوكارى و پشتگیریى ئێزدییان به‌رده‌وام بن.

Share.

About Author

بوچون نوسین داخراوە.

Social Media Auto Publish Powered By : XYZScripts.com