عێراقییه‌كان هه‌ڕه‌شه‌ ده‌كه‌ن و بیر له‌ بایكۆتكردنى هه‌ڵبژاردنى پێشوه‌خته‌ ناكه‌نه‌وه‌

0

نوچه‌نێت

به‌ پێچه‌وانه‌ى هه‌ڵبژاردنى پێشووى په‌رله‌مانى عێراق، ئه‌مجاره‌ عێراقییه‌كان بیر له‌ بایكۆتى هه‌ڵبژاردن ناكه‌وه‌، هه‌ڕه‌شه‌ى گۆڕینى ده‌سه‌ڵات ده‌كه‌ن و بۆ ئه‌و ئامانجه‌یش چالاكوانانى عێراق له‌ ئێستاوه‌ هه‌ڵمه‌تێكیان ده‌ستپێكردووه‌.

ئه‌مڕۆ رۆژنامه‌ى “عه‌ره‌ب”ى له‌نده‌نى راپۆرتێكى بڵاوكردووه‌ته‌وه‌، باس له‌و هه‌ڵمه‌ته‌ ده‌كات كه‌ له‌ عێراق له‌لایه‌ن چالاكوانان ده‌ستی پێكردووه‌ و داوا ده‌كه‌ن خه‌ڵك بایكۆتى هه‌ڵبژاردنى پێشوه‌خته‌ نه‌كه‌ن.

هه‌ڵمه‌ته‌كه‌ به‌ هاشتاگى “ده‌نگى خۆت مه‌فه‌وتێنه‌” له‌ تۆڕه‌ كۆمه‌ڵایه‌تییه‌كان هه‌یه‌ و داوا له‌ خه‌ڵك ده‌كرێت له‌ ئێستاوه‌ خۆیان بۆ گۆڕینى ده‌سه‌ڵات ئاماده‌ بكه‌ن و نه‌وه‌ك وه‌ك هه‌ڵبژاردنى پێشوو بایكۆتى هه‌ڵبژاردن بكه‌ن.

هه‌ڵبژاردنى پێشووى په‌رله‌مانى عێراق له‌ مانگى ئایارى 2018 به‌ڕێوه‌چوو، رێژه‌ى به‌شداربوونى ده‌نگده‌ران 44% بوو، ئه‌مه‌یش كه‌مترین رێژه‌ى به‌شداربوون بوو له‌ هه‌ڵبژاردنه‌كان له‌ دواى 2003 وه‌.

ئه‌مجاره‌ چالاكوانان و خۆپێشانده‌ران داوا له‌خه‌ڵك ده‌كه‌ن له‌برى بایكۆتكردن ده‌نگیان بۆ گۆڕینى ده‌سه‌ڵاتى عێراق به‌كاربهێنن.

بڕیاره‌ له‌ شه‌شى حوزه‌یرانى داهاتوو هه‌ڵبژاردنى پێشوه‌خته‌ له‌ عێراق به‌ڕێوه‌بچێت و چه‌ندان هێزى نوێ خۆیان له‌ كۆمسیۆن تۆمار كردووه‌.

Share.

About Author

بوچون نوسین داخراوە.

Social Media Auto Publish Powered By : XYZScripts.com