ژمارەیەك چەكداری داعش لە ئەشکەوتێکی چیای مەخمور كوژران

0

 (نوچەنێت)

بەپێی بەیاننامەیەکی دژە تیرۆر (30ی تشرینی دووەمی 2020) پاش نیوەڕۆی دوێنێ یەکەکانی دژە تیرۆر هێرشیان کردووەتە سەر شانە نوستووەکانی داعش لە ئەشکەوتێکی سەختی چیای مەخمور. 

ئاماژە بەوەشکراوە، دوای کۆکردنەوەی زانیاری ورد لەسەر جموجۆڵی چەکدارەکان، هێزەکانیان هێرشیان کردووەتە سەر ئەشکەوتەکە و گەمارۆی ناوچەکەیان داوە. 

دژە تیرۆری عێراق باسی لەوەشکردووە، هێزەکانیان رووبەڕووی شەش چەکداری داعش بوونەتەوە و پێکدادانی راستەوخۆ لەنێوانیان روویداوە و سێ چەکداریان کوشتووە و سیانەکەی تر هەوڵی هەڵهاتنیانداوە، بەڵام فڕۆکەکانی هاوپەیمانان هێرشیان کردوونەتەسەر و بەهۆیەوە سەرجەمیان کوژراون. 

ئەوەشی خستووەتەڕوو، لە ئۆپراسیۆنەکەدا ئەندامێکی دژە تیرۆر بەسوکی برینداربووە و تەندروستی جێگیرە.  

Share.

About Author

بوچون نوسین داخراوە.

Social Media Auto Publish Powered By : XYZScripts.com