محەمەدی عەبدوڵڵا و خونچە: دەبێ هەرێمی کوردستان پلانی ئابوری بۆ دوای شەڕی موسڵ، هەبێت

0

عێراق و كوردستان له‌دوای ئازادكردنی موسڵ

بەهرە ‌حەمەڕەش: پرۆسه‌ی ئازادكردنی موسڵ ده‌ستپێكراوه‌، ئایا ئه‌و گرفتانه‌ی دوای ئازادكردنی موسڵ بۆ كورد دێنه‌ پێش چین و چاوه‌ڕوانی چی ده‌كرێت ؟

نه‌مانی داعش له‌موسڵ، نه‌مانی مه‌ترسییه‌ له‌سه‌ر كوردستان ؟

له‌ڕووی سیاسی و جوگرافی و سه‌ربازییه‌وه‌، هیچ مه‌ترسییه‌ك له‌دوای نه‌مانی داعش له‌موسڵ چاوه‌ڕوانكراوه‌ بۆ كوردستان ؟ ئه‌گه‌ر چاوه‌ڕوانكراوه‌ ئه‌و مه‌ترسیانه‌ چین ؟

ئایا سێبه‌ر و مه‌ترسی ئیسلامی توندڕه‌و له‌سه‌ر كوردستان نامێنێت ؟

كورد ده‌بێت چۆن خۆی ئاماده‌بكات بۆ قۆناغی دوای داعش له‌موسڵ ؟

چی بكات بۆ ئه‌وه‌ی ئه‌و مه‌ترسیانه‌ی هه‌ستپێكراون كه‌م بكرێنه‌وه‌ ؟

په‌یوه‌ندییه‌كانی هه‌ولێرو به‌غدا چۆن ده‌بن و ده‌بێت چۆن بن؟

عیراق و کوردستان دوای شەڕی ئازادکردنی موسڵ?

محەمەدی عەبدوڵڵاو خونچە:

پاش ئازادکردنی موسڵ، کورد چۆن مامەڵەیەکی دروستی ئابووریانە لەگەڵ شارەکەدا بکات لێکدانەوەی سیاسیانە بۆ سیاسیەکان لێدەگەڕێم، بەڵام پەیوەندییەکان و ئیدارەدانی هاوسێیەتی و بەهێزکردنی بازاڕ و ئابووری کوردستان، لەو شارە دەخەمە ڕوو.

مێژووی موسڵ ئەوەمان بۆ ڕوون دەکاتەوە کە بەردەوام شار بووە شارەستانیەتەکەی هەتا ئێستاش بەبەرچاومانەوەیە، یەکێک لەو خاڵە بەهێزانەی وا دەکات ئێمە چاو لە ئابووریەکەی ببڕین زۆری ژمارەی دانیشتوانەکەیەتی، لەلایەکی تریشەوە نزیکیەتی لە کێڵگە کشتوکاڵیەکانی هەرێمی کوردستان، هەروەها موسڵ لەسێ لاوە بە خاکی کوردستان دەوردراوە، بۆیە بە ئاسانی دەتوانین بەشە بازاڕی خۆمان لە موسڵ دیاری بکەی.

سوریا بەم حاڵە شڕەیەوە چاوی لە موسڵی دوای داعشە، ئەوە جگە لە ئێران کە دەیهەوێت لەڕووی مەزهەبیەوە هیلالەکەی تەواو بکات، تورکیاش لەڕووی خاک و قەڵەمڕەوی عوسمانی و لێکەوتەکانی جەنگی جیهانی موسڵ بە هی خۆی دەزانێ، بەڵام لە ڕووی واقیعیەوە هەرێمی کوردستان، لە هەموو هێزە ئیقلیمی و جیهانیەکان، ئەوانەی چاویان لەشاری موسڵە نزیکترین، ئەگەر شێوەیەکی ئیداری بەهێزمان هەبێ بۆ مامەڵکردن لەگەڵ داخوازیەکانی ئەوشارە، دەتوانین لە دەلاقەی ئابووریەوە بچینە ژوورەوەو، پشکی شێریش لە دەلاقەکانی تر بۆ خۆمان ببەین.

ئێستا دەتوانین بە شێوە سادەکەی ئابووری، ئەم هەنگاوانەی خوارەوە بخەینە ڕوو، بۆ ئەوەی بتوانین بچینە ناو بازاڕی موسڵەوە:

١.پاش ئازادکردنی موسڵ دانیشتوانەکەی پێویستیان بە پشو هەیە، لەماوەی ئەم پشوەشدا جوڵانەوەیەکی ئاوەدانی ڕوو لەوشارەدەکات، بۆیە پێویستە لە ئێستاوە ئامادەکاری بکرێت کوردستان، ببێتە سەرچاوەی سەرەکی کەرەستەی بیناسازی.

٢.ئەگەر هەموو ناوچە کوردستانیەکان بخرێنەوە سەر هەرێمی کوردستان، موسڵ زەوی کشتوکاڵی زۆر کەم دەبێتەوە و ناتوانێ کشتوکاڵ بۆ دانیشتوانی شارەکە لەو زەویە کەمانەوە بەدەست بهێنت، کە دەکەونە باشوری خۆرهەڵاتی شارەکە، بۆیە دەکرێ هەرێمی کوردستان، پلانی ستراتیژی تایبەتی بەو شارە هەبێ.

٣.دەکرێ لەهەرێمی کوردستانەوە، وزەی کارەبا تایبەت بە شاری موسڵ بەرهەم بهێندرێت و پێیان بفرۆشینەوە.

٤.بەهۆی هەڵکەوتە جوگرافیەکەیەوە هەرێمی کوردستان، ببێتە ناوچەی ترانزێت لە نێوان موسڵ و وڵاتی تورکیا و ئێران و سوری.

٥.پەرەپێدانی هەندێ پیشەسازی، کە ژمارەی بەکاربەران کاریگەری دەبێت لەسەر کەمکردنەوەی تێچون. ٦-

جێگەکردنەوەی هەموو ئەو وەکالەتانەی کە هی مارکە جیهانیەکانن و، سەرمایەدارە کوردستانیەکان خاوەنداریەتی دەکەن.

٧. بیرکردنەوە لە بەبازاڕکردنی بەرهەمەکانی شاری موسڵ، وەک گەچ و گۆگرد و کبریت و نەوتی خاوی عەین زالە و بەتمە، هەروەها بەرهەمی ئەو پیشەسازیە بچوکانەی کە خەڵکی ئاسایی موسڵ بەرهەمی دەهێنن.

٨.بەکارهێنانی دەستی کاری دانیشتوانی موسڵ لە پیشەسازی کوردستان، لەبری هاوردەکردنی دەستی کاری بیانی، بەمەش پەیوەندیەکی توند و تۆڵ و پاراستنی بەرژەوەندیەکانی یەکتری دێتە گۆڕێ.

٩. لەڕووی زانستیەوە دەکرێ پەیوەندیەکی توند و تۆڵ لەنێوان دام و دەزگا و دامەزراوە زانستیەکان هەبێ، هەروەها دەتوانین زانکۆکانی موسڵ بکەینە هۆکارێک بۆ کردنەوەی دەروازەکان لەگەڵ دامەزراوەکانی وڵاتانی عەرەبیدا.

Share.

About Author

بوچون نوسین داخراوە.

Social Media Auto Publish Powered By : XYZScripts.com