عەبادی و رکابەرە شیعەکانی

0

نوچەنێت

لە سەروبەندی چوارەمین خولی هەڵبژاردنەکانی پەرلەمانی لە عێراق، حەیدەر عەبادی، وێڕای ئاشکراکردنی پاڵپشتیکردنی گروپەکانی شیعەی ژێردەسەڵاتی ئێران بۆ ناوبراو، بەشداری سەرلەنوێی لەم هەڵبژاردنانە، میدیایی کردەوە.

حەیدەر عەبادی، کە لە ماوەی سی ساڵی رابردوو، عێراقی لە شەڕی دژ بە داعش ئاراستە کردووە، دوای ماوەیەک  مشتومڕی  ناوخۆی حزبەکەی، بە پێکهێنانی هاوپەیمانی النصر، پێی نایە مەیدانی رکابەرایەتی هەڵبژاردنەکانەوە. بە دەر لەمەش، لە ناوخۆی حزبەکەی واتە حزبی دەعوە، ململانێی نوری مالیکی، سەرۆکی ئێستای ئەم حزبە کردووە.

عەبادی لە هەژماری تایبەتی خۆی لە تویتەر، لە تویتێکدا، ئامانج لە پێکهێنانی ئەم هاوپەیمانییەی، بە-بەرەنگاربوونەوەی دیاردەی گەندەڵی سەرتاپاگیری ئەم وڵاتەی راگەیاندووە و، هیوای دەربڕیوە کە سەرکەوتن بە دەست بهێنیت.

لە کاتێکدا لە وادەی هەڵبژاردنەکان نزیک دەبینەوە، گەرم و گوڕی هەڵبژاردنەکان لە عێراق خۆی دەردەخات. گروپ و پێکهاتەکانی سوننە و شیعە و کورد، لە هەوڵی پێکهێنانی هاوپەیمانی و هەڵوێستەکردندان. هاوکات عەبادی بانگەشەی ئەوە دەکات کە هاوپەیمانی النصر، لە سەرەوەی هەر جۆرە بیروبۆچوونێکی قەومی و تایفیە و داوای لە فراکسیۆنەکانی غەیرە شیعە کردووە، کە پەیوەست ببن بەم هاوپەیمانێتیە.

سەرباری ئەم بانگەشەیە و رێککەوتنی رۆژانی رابردوو، یەکێک لە سەرکردە بە بڕشتەکانی شیعەی عێراق، واتە موقتەدا سەدر کە بە سەدان هەزار کەس جەماوەر و لایەنگری هەیە، لە هاوپەیمانی عەبادی کشایەوە.

سەدر کە لە ساڵانی رابردوودا، بەردەوام لە دژی گەندەڵی حکومەت و بەفیڕۆدانی سەروەت و سامان و داهاتی نەوتی عێراق، رابەرایەتی خۆپێشاندانی جەماوەری و سەدان هەزار کەسی کردووە. هۆکاری ئەم کشانەوەی گەڕاندۆتەوە بۆ بوون  وئامادەیی گروپەکانی وەک عەسائب ئەهل حەق، کەتائیب حزبوڵڵا، رێکخراوی بەدر و میلیشاکانی حەشدی شەعبی لەم هاوپەیمانییە.

هەر چەندە، سەرچاوەکانی ئاگادار باس لە کشانەوەی رێکخراوی بەدر و بزووتنەوەی عەسائب ئەهولحەق، سەر بە حەشدی شەعبی لە هاوپەیمانێتی حەیدەر عەبادی بۆ هەڵبژاردنەکانی پەرلەمانی دەکەن.

سەدر کە ئەم دواییانە لە ئێران دوور کەوتۆتەوە و، لەبارەی هاوپەیمانی النصر گوتویەتی، هاوپەیمانی پێکهاتووی عەبادی بۆ هەڵبژاردنەکان، رێگەی گەڕانەوەی  گەندەڵی هەموار کردووە.

سەدر کە ماوەی چەند مانگەکانی رابردوودا، لە گەڵ گەورە بەرپرسانی ولاتانی عەرەبی کەنداو لەوانە محەممەد بن سلەمان، جێگری یەکەمی شای سعودیە  ووەزیری بەرگری ئەم وڵاتە کۆبۆتەوە.

مالیکی کە هاوشێوەی عەبادی، پشتیوانی تارانی لە پشتە، رایگەیاندووە، بە هاوپەیمانی دەوڵەتی یاسا بەرامبەر بە عەبادی دەچێتە ناو رکابەرایەتی هەڵبژاردنەکانەوە.

هاوپەیمانی النصر، لە ٢٨ فراکسیۆنی سەربازی و  سیاسی تورک، سوننە، مەسیحی، شەبەک و تورکمانەکان پێکهاتووە، کە بە تێکڕایان لە تێکشکانی داعش لە عێراق، رۆڵی سەرەکییان هەبووە.

Share.

About Author

بوچون نوسین داخراوە.

Social Media Auto Publish Powered By : XYZScripts.com