تا ئێستا سێ هەزار و 552 ئێزدی لەدەستی داعش رزگارکراون
نوچەنێت-تایبەت
ئەمڕۆ سێشەممە( 22/شوبات/2022 ) نوسینگەی رزگارکردنی رفێندراوانی ئێزدی لە دەستی داعش، ئاماری رزگاربوان و زیندانیانی ژێردەسەڵاتی داعشی بڵاوکردەوە.
نوسینگەی رزگارکردنی رفێندراوانی ئێزدی لە دەستی داعش، لەسەر فەرمانی سەرۆک نێچێرڤان بارزانی لە (تشرینی یەکەمی 2014) دامەزرا. کاری ئەم نوسینگەیە بەدواداچوون و دۆزینەوەو رزگارکردنی ئەو کوردە ئێزدییانەیە، کە لە لایەن داعشەوە رفێندراون.
بەپێی دوایین ئامار، تا ئێستا توانراوە3 ھەزار و552 کەس، کە ھەزار و 207 ئافرەت و 339 پیاو و ھەزار و 50 کچ و 956 منداڵە، لەرێگەی ئەم نوسینگەیەوە ئازادبکرێن. ھەروەھا 2 ھەزار و 719 کەس، کە ھەزار و 274 ڕەگەزی مێ و ھەزار و 445 رەگەزی نێرە. هێشتا لە ژێر دەسەڵاتی داعشن.
ئەم ئامارە تازەترین ئاماری قوربانیانی دەستی داعش-ە کە رێکخراوی تیرۆرستی داعش دژبە کوردانی ئێزدی لە ساڵی (8/ئازار/2014-22/شوبات/2022)
نەتەوە یەکگرتووەکان دانی بەم ئامارەدا ناوەو بڵاویکردووەتەوە و کۆپیەکی بۆ ماڵپەڕی نوچەنێت نێردراوە، کە تێیدا ھاتووە، ژمارەی کوردانی ئێزدی 550 ھەزار کەسە و ژمارەی ئاوارەکانیش 360 ھەزار کەسە و150 ھەزار کەسیش گەڕاونەتەوە بۆ شنگال و ژمارەی ئەوانەی شەھیدیش بوونە ھەزار و 393 شەھیدە و ژمارەی ئەوانەی دایک و باوکیان لە دەستداوە 2ھەزار و 745 و تا ئێستاش 82 گۆڕی بەکۆمەڵ دۆزراونەتەوە و بەدەیان گۆڕی تاکەکەسیش دۆزراوەتەوە و ئەو شوێنە ئاین و مەزارانەی تەقێندراونەتەوە 68 مەزارە و ئەوانەی بۆ دەرەوەی وڵات کۆچیان کردووە 100ھەزار کەسە.
بە پێی ئامارەکە ژمارەی ئەوانەی لەلایەن داعش ڕفێندراون، 6ھەزار و 417کەسە کە لەو ژمارەیە 3ھەزار و 548 ڕەگەزی مێ و 2 ھەزار 896 ڕەگەزی نێرە، ئەوانەی رزگارکراون ژمارەیان 3 ھەزار و 552 کەسە، کە ھەزار و 207 ئافرەت و 339 پیاو و ھەزار و 50 کچ و 956 کوڕ.
بەپێی ھەمان ئاماری نوسینگەی رزگارکردنی کوردانی ئێزدی، لە دەستی داعش، ئەوانەی ڕفێندراون و شەھیدکراون و تەرمەکانیان دۆزراوەتەوە، ژمارەیان 146 کەسە و ئەوانەی لە دەستی داعش ماون 2 ھەزار و 719 کەسە، کە ھەزار و 274 ڕەگەزی مێ و ھەزار و 445 ڕەگەزی نێرە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment