پارێزگارى هەولێر: لە هیچ کەسێک قبووڵ ناکەین زێدەڕۆیى لەسەر موڵکى گشتى ئەنجام بدات
نوچەنێت:
ئەمڕۆ چوارشەممە (27/نیسان/2022) بەسەرپەرشتى ئومید خۆشناو، پارێزگارى هەولێر، ئامادەبوونى هێمن قادر و مەسعود کاڕەش، جێگرى پارێزگار، لەدیوانى پارێزگا، کۆبوونەوەیەکى تایبەت سەبارەت بە ئامادەکاریەکانی جەژنى ڕەمەزانى پیرۆز ئەنجامدرا.
پارێزگاى هەولێر لە ڕاگەیێندراوێکدا دەڵێت، پارێزگارى هەولێر لە کۆبوونەوەکەدا دەربارەى سەرپێچى و زێدەڕۆیى ڕایگەیاند، "ئێوە بەشێکى گرنگن لەناو و ناوبانگى حکومەت، بۆیە دەبێت هەر یەکێک لە ئێوە بە هەماهەنگى و هاوکارى یەکتر و وەک یەک تیم و گروپ کارەکانتان لە چوارچێوەى یاسا بەرکارەکان جێبەجێ بکەن و ڕێگرى بکەن لە زێدەڕۆیی و سەرپێچیەکان و چاوپۆشى لەهیچ کەس و لایەنێک نەکەن کە بیەوێت دەستدرێژی بکاتە سەر ئەرز و موڵکى حکومەت".
لە ڕاگەیێندراوەکەى پارێزگاى هەولێردا هاتووە، پارێزگارى هەولێر، سەبارەت بە کەمکردنەوەى ڕۆتین و کاروبارەى هاوڵاتییان، گوتى، "ئەوەى لەسەر ئێوە پێویستە بەو پەڕى ڕێزەوە لە ڕایکردنى مامەڵە و کاروبارەى هاوڵاتییان ئاسانکارییان پێشکەش بکەن، دەبێت لەئاست ئەو بەرپرسیاریەتییەدابن و هەرچی لەتوانادا هەیە ئەنجامیبدەن بۆ ڕێزگرتن لە هاوڵاتییان و ڕایککردنى مامەڵەکانیان و کەمکردنەوەى ڕۆتین لەفەرمانگە و بەڕێوەبەرایەتیەکانتان".
سەبارەت بە مەترسییەکانى نەخۆشى تاى خوێن بەربوون، کە ئێستا له چەند شارێکی عێراقى چەند حاڵەتێکى ئەم نەخۆشیە تۆمار کراوە و چەند كه‌سێكیش بەهۆیەوە گیانیان لەدەستداوە، لە کۆبوونەوەکەدا بڕیاردرا "هەرچەندە تا ئێستا لە هەرێمى کوردستان هیچ حاڵەتێک بەدی نەکراوە، لەپێناو کۆنترۆڵکردنی نەخۆشیەکە و سەلامەتی هاوڵاتییان چەند ڕێنماییەکى پێویست بۆ خۆپارێزى و بەرچاو روونی هاوڵاتییان لەلایەن پارێزگاى هەولێر بڵاو بکرێتەوە، ئەوە جگە لەوەى تەئکیدی لە شارەوانییەکان کرایەوە کە پێویستە بەهەموو شێوەیەک سەربرینی ئاژەڵ لەسەر شەقامەکان قەدەغەبکرێت و هەرکەس ئەنجامیبدات ڕێکاری یاسایی لەبەرامبەردا بگرنەبەر."
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment