سەرۆک نێچیرڤان بارزانی: هێرشەکەی سەر نووسینگەی سەرۆک وەزیران پەرەسەندنێکی مەترسیدارە
نوچە نێت:
ڕۆژی دووشەممە (2026/08/17) سەرۆک نێچیرڤان بارزانی، سەرۆکی هەرێمی کوردستان، پەیامێکی بڵاوکردەوە و تێیدا هاتووە، "بە توندی سەرکۆنەی ئەو هێرشانە دەکەین کە بەرەبەیانیی ئەمڕۆ نووسینگەی سەرۆک وەزیرانی هەرێمی کوردستان، بەڕێز مەسرور بارزانی و شوێنی حەوانەوەی سەرۆکی ئاژانسی پاراستنیان کردە ئامانج". هاوکات ڕاشیگەیاند، "ئەم هێرشانە بە تەواوی ڕەتکراوە و پەرەسەندنی مەترسیدارن".
سەرۆک نێچیرڤان بارزانی جەختیشی لەوە کردەوە و دەڵێت، "داوا لە حکومەتی فیدراڵ دەکەین بەرپرسیاریەتی و پابەندیی دەستووری خۆی لە پاراستنی ئاسایش و سەقامگیریی وڵات جێبەجێ بکات بۆ دووبارەنەبوونەوەی ئەم دەستدرێژییانە".
سەرۆکی هەرێمی کوردستان ئاماژەی بەوەش کرد کە، پاراستنی سەروەری، ئاسایش و سەقامگیریی عێراق بە هەرێمی کوردستانیشەوە، بەرپرسیاریەتییەکی هاوبەشە و هەمووان دەبێ کار بۆ ئارامکردنەوە و نەهێشتنی گرژییەکان بکەن.
جێگەی ئاماژەپێدانە، دژەتیرۆری کوردستان ڕایگەیاند، بەرەبەیانی ئەمڕۆ دووشەممە، لە دیوی سنووری ئێرانەوە بە دوو درۆنی بۆمبڕێژکراو هێرش کراوەتە سەر نووسینگەی تایبەتی سەرۆک وەزیرانی هەرێمی کوردستان و شوێنی حەوانەوەی بەڕێوەبەری ئاژانسی پاراستن لە قەزای پیرمام، بەڵام هێرشەکە هیچ زیانێکی گیانیی لێنەکەوتووەتەوە.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment