ئه‌نجومه‌نی ئاسایشی نیشتمانی عێراق چەند بڕیارێکی دەرکرد

0

نوچە: ئاژانسەکان

ئه‌نجومه‌نی ئاسایشی نیشتمانی عێراق، به‌ سه‌رپه‌رشتی و ئامادەبوونی عادل عه‌بدولمه‌هدی، فه‌رمانده‌ی گشتی هێزه‌ چه‌كداره‌كان كۆبووه‌وه‌ و ژماره‌یه‌ك بڕیار و رێنمایی  ده‌ركرد.

رۆژی ٢٠-٨-٢٠١٩، كۆگایه‌كی چه‌ك و ته‌قه‌مه‌نی حه‌شدی شه‌عبی، له‌ بەلەد بۆردومان كرا و ئەم رووداوەش مشتومڕێكی زۆری به‌ دوای خۆیدا هێناوه‌.

له‌ كۆبوونه‌وه‌كه‌ی ئه‌نجومه‌نی ئاسایشی نیشتمانی عێراق، تاووتوێی ژماره‌یه‌ك پێشهاتی تایبه‌ت به‌ ته‌قینه‌وه‌ی جبه‌خانه‌كان كرا و تیایدا جه‌خت له‌وه‌ كرایه‌وه‌، كه‌ نابێت هیچ فڕۆكه‌یه‌ك بەبێ بوونی مۆڵه‌تی فه‌رمانده‌ی گشتی هێزه‌ چه‌كداره‌كان، له‌ ئاسمانی عێراق بفڕێت. هاوكات بڕیاریش درا، به‌ گواستنه‌وه‌ی كۆگاكانی چه‌ك بۆ ده‌ره‌وه‌ی شاره‌كان و رێوشوێنی پێویستیش له‌و باره‌وه‌ بگیرێته‌به‌ر.

هەروەها له‌ به‌شێكی دیكه‌ی به‌یاننامه‌کەیاندا هاتووە، وه‌زاره‌تی به‌رگری پلان و رێوشوێنی پێویست بۆ چه‌كداركردن و پێشخستنی هێزی ئاسمانی به‌ گوێره‌ی پێویستییه‌كانی دۆخی ئێستا و داهاتوو ده‌گرێته‌به‌ر.

سه‌رۆك وه‌زیرانی عێراقیش جه‌ختیی له‌وه‌ كردووه‌ته‌وه‌، كه‌ حكومه‌ت به‌رپرسه‌ له‌ پاراستنی ته‌واوی یه‌كه‌ سه‌ربازییه‌كان له‌ نێویشیدا، حه‌شدی شه‌عبی.

Share.

About Author

بوچون نوسین داخراوە.

Social Media Auto Publish Powered By : XYZScripts.com