په‌كه‌كه‌: هەر ماڵێک دەبێتە بنکە و هەر کۆڵانێکیش دەبێتە سەنگەری شەڕ

0

نوچه‌

ئەنجوومەنی جێبەجێکاری پارتی کرێکارانی کوردستان – پەکەکە، لە کاردانەوەی ئۆپەراسیۆنی سوپای تورکیا بۆ ڕۆژئاوای کوردستان، راگەیێندراوێكی بڵاوکردەوە و رایدەگەیێنێت “لەبەرامبەر هێرشە داگیرکارییەکانی تورکیا، هەر ماڵێک دەبێتە بنکە و هەر کۆڵانێکیش دەبێتە سەنگەری شەڕ”.

لە راگەیێندراوەکەدا ئەنجوومەنی جێبەجێکاری پەکەکە داوا لە یەپەگە، یەپەژە و یەژا ستاریش دەکات چالاکییە سەربازییەکانیان لە باکووری کوردستان چڕ بکەنەوە.

ئەنجوومەنی جێبەجێکاری پەکەکە دەڵێت “خاکی باکوور و ڕۆژهەڵاتی سووریا لەلایە سوپای تورکیاوە داگیر دەکرێت، ئەوەی داعش لە 15ـی ئەیلوولی 2014 لەڕێگەی هێرشکردنە سەر کۆبانێ نەیتوانی سەریبخات، ئێستا دیکتاتۆرییەتی ئاکپارتی – مەهەپە، کە دوژمنی کورد و مرۆڤایەتین دەیانەوێت سەری بخەن”.

سەبارەت بە چەکدارانی داعش لە ناوچەکە، کە بۆتە جێگەی نیگەرانی نێودەوڵەتی، ئەنجوومەنی جێبەجێکاری پەکەکە دەڵێت، “تورکیا دەیەوێت چەتەکانی داعش، کە لەلایەن شەڕڤانانی یەپەگە، یەپەژە و هەسەدە تێکشکێندران، سەرلەنوێ زیندوو بکاتەوە و بەم هێزەش هەڕەشە لە تەواوی جیهان بکات”.

ئه‌وه‌ له‌ كاتێكدایه‌، كه‌ ئێوارەی دوێنێ چوارشەممە، بە فەرمانی رەجەب تەیب ئەردۆغان، ئۆپەراسیۆنی سەربازی سوپای تورکیا بۆ ڕۆژئاوای کوردستان دەستیپێکرد.

Share.

About Author

بوچون نوسین داخراوە.

Social Media Auto Publish Powered By : XYZScripts.com