فرسەت سۆفی: دەبێ خاوەنكاران مافی كارمەندانیان بدەن

0

نوچە

پارێزگاری هەولێر رایدەگەیەنێت، بڕیاریانداوە لە كاتژمێر یەك بۆ شەش بەیانی دەرفەت دەدرێت بەوانەی كاری زەروریان هەیە بەبێ رێگەپێدان دەتوانن بەكارەكانیان رابگەن. دەشڵێت ”دەبێ خاوەنكاران مافی كارمەندانیان بدەن”.

ئەمڕۆ (چوارشەممە 1-4-2020) كۆبوونەوەی ژووری ئۆپەراسیۆنی پارێزگای هەولێڕ بەڕێوەچوو دوای كۆبوونەوەكە لە كۆنگرەیەكی رۆژنامەوانیدا د. فرسەت سۆفی، پارێزگاری هەولێر رایگەیاند: ئێمە وەك پارێزگاری هەولێر لە دۆخێكی زۆر مەترسیدار و هەستیارداین، چونكە ئەو ڤایرۆسە جگە لەوانەی، كە لە كەرەنینینن، بەڵام بەشێكی دیكەیان لەناو كۆمەڵگەدان بۆ ئەوەی، كە ئەو نەخۆشیە بەناو كۆڵانەكاندا بڵاو نەبێتەوە دەبێ ئەو 10 رۆژەش بەرگە بگرین لەگەڵ ئەوەی، كە هەست بە نیگەرانییەكانیش دەكەین، بەڵام لایەنی دووەمی مەترسییەكەدا دەبی لەبەرچاو بگرین و بۆیە داوا لە خەڵك دەكەین هاوكارمان بن.

فەرسەت سۆفی گوتیشی، لە كۆبوونەوەی ئەمڕۆی ژووری ئۆپەراسیۆنەوە، لەمشەو بەدواوە لە سەعات 1-ی شەو تا  6-ی بەیانی دەرفەت بدەین بەوانەی كاری زۆر پێویستیان هەیە لە باغدا و خاوەن كێڵگەكان و كۆگاكان بەبێ ئەوەی مۆڵەت بدرێن هاتووچۆ بكەن. بەڵام ئەو ڕێگەپێدانە بۆ گەشت و سەیرانە نییە و ئەگەر ئەو دەرفەتەی داومانە كۆبوونەوەی بە كۆمەڵ دروست بكات ئەو دەرفەتەش هەڵدەگرینەوە، چونكە ئەو رێگەپێدانە بۆ كاری زۆر پێویستە، ئەوانەیشی لە نێوان شارەكان كەس و كارییان هەیە لەناو هەرێمی كوردستان ماوەی 72 كاتژمێڕ بە رێگەی ئۆنلاین لە وێبسایتی وەزارەتی ناوخۆ فۆرم پڕدەكەنەوە و دواتر وەڵام دەدەنەوە و رێگەیان دەدرێت، ئەویش بۆ كاری پێویستە نەك بۆ سەردان و گەشت و گوزار.

پارێزگاری هەولێر باسی لەوەشكرد، کە دەرفەتمان دابوو بۆ نوسینگەكانی حەواڵەی پارە و بانكە ئەهلییەكان، بەڵام ئەگەر مەرجە تەندروستییەكان جێبەجێ نەكەن، نووسینەگان دادەخەین و كاردانەوەی یاسایی لەگەڵ دەكەین.

لەبارەی هاوكارییەكانی حكومەتی هەرێمیش پارێزگاری هەولێر گوتی، ناتوانین چونكە بار و دۆخی داراییمان ناجێگیرە.

هەرچی پەیوەندی بە خاوەنكار و كارمەندانی كەرتی تایبەتییەوە هەیە فرسەت سۆفی گوتی، دەبێ خاوەن كاران مافی كارمەندانیان بدەن و ئێمە جەخت لەسەر جێبەجێكردنی ناوەڕۆكی گرێبەستەكانی كاركردن دەكەینەوە.

Share.

About Author

بوچون نوسین داخراوە.

Social Media Auto Publish Powered By : XYZScripts.com