ئامانجی سەرەکی هەڕەشە و تیرۆر لە عێراق چییە؟

0

ئەسعەد مورادی

ئێوارەی رۆژی (دووشەممە ٦-٧-٢٠٢٠) هیشام هاشمی، شرۆڤەکاری سیاسی و ئەمنی عێراقی لە بەغدا لەلایەن چەند چەکدارێکی نەناسراو تەقەی لێکراوە و تیرۆرکرا. كازمی-یش بەڵێنی داوە، كە نەخەون تا بكوژانی هاشمی دەستگیر دەكەن و رادەستی دادگایان دەكەن.

پەرلەمانتارێک-یش دەڵێت ”ئەم تیررە بۆ رێگری کردنە لە کازمی و کەسانی دەورووبەری کازمی مەترسییان لەسەرە، لەلایەن گەندەڵکاران مافیاکانەوە”.

ئێوارەی ئەمڕۆ دووشەممە ٦-٧-٢٠٢٠، گروپێکی چەکدار بە دوو ماتۆڕسکیل لە بەردەم ماڵەکەیدا لە ناوچەی زەیونە تەقەیان لێکردووە و دوای گەیاندنی بۆ نەخۆشخانەی ”ئیبن نەفیس” بەهۆی سەختی برینەکەیەوە گیانی لەدەستداوە.

ئەبو عەلی عەسکەری”،
بەرپرسێکی ئەمنی میلیشیای حزبوڵڵا بە هاشمی گوتبوو:
لە ماڵەکەی خۆت دەتکوژم

دوایین توویتی هاشمی

هیشام هاشمی لە دوایین توویتەکانی ئاماژەی بەوە داوە، کە هێزە هاوبەشەکانی عێراق و هێزەکانی پێشمەرگە بەیەکەوە بەنیازی ئۆپەراسیۆنی هاوبەشی سنووردارن لە ناوچە کێشە لەسەرەکان لەدژی چەکدارانی داعش.

رۆژنامەنووسێکی هاوڕێی هیشام هاشمی، به‌ كه‌ناڵی کەناڵی (ئەلحوڕە) ی ڕاگه‌یاندووه‌، هاشمی دوو هەفتە بەر لە ئێستا بەو رۆژنامەنووسەی راگەیاندبوو، کە ”ئەبو عەلی عەسکەری”، بەرپرسێکی ئەمنیی میلیشیای حزبوڵڵای عێراقی هەڕەشەی لێکردبوو و پێیگوتبوو، ”لە ماڵەکەی خۆت دەتکوژم“.

د. هیشام هاشمی

هەڵوێست و بڕیارەکانی کازمی

مستەفا کازمی، سەرۆکوەزیرانی عێراق لە راگەیێنراوێکدا دەڵێت، گروپێکی چەکدار هیشام هاشمیان تیرۆرکردووە و بەتووندی سەرۆکۆنەی دەکەین. ئاماژەی بەوەداوە، کە هاشمی لەو کەسانە بووە، کە بەشداربووە لە دروستکردنی رای گشتی، بەتایبەت لە شەڕی دژی داعش.

لە بەشێکی دیکەی بەیاننامەکەدا دەڵێت، هێزە ئەمنییەکان هەموو هەوڵێک بۆ دۆزینەوەی تاوانباران دەدەن و “هەروەک چۆن هەوڵی تەواوی خۆمان دەدەین بۆ ئەوەی چەک بە تەنیا لە دەستی دەوڵەتدا بێت و هیچ هێزێکیش لەسەرووی دەسەڵاتی یاسادانانەوە نەبێت”.

کازمی: ناخەوین
تا بكوژانی هاشمی
دەستگیر دەكەین

بەپێی ئاژانسی فەرمی عێراق، کازمی بڕیاریداوە بە لەسەرکارلابردنی فەرماندەی پۆلیسی ئەو ناوچەیەی کە رووداوەکەی تێدا روویداوە.

رۆژی سێشەممە 7-7-2020، كازمی ناوی شەقامێكی بەغدای ناوە “شەهید هیشام هاشمی”، نووسینگەی سەرۆك وەزیران لەمبارەوە بڵاوی كردەوە، کە سەرۆك وەزیران لە كۆبوونەوەی ئەنجوومەنەكەدا گوتوویەتی “هاشمی لێمان جیانەبووەتەوە و لەگەڵماندایە، ئەركی سەرشانی ئێمەش وەكو دەوڵەت ئەوەیە، كە ئەم غەمباریە بگۆڕین بە ئەنجام و دەسكەوتی راستەوخۆ.

نێچیرڤان بارزانی:
تیرۆریستان بدۆزنه‌وه‌ و
بیاندەنە دادگا

كازمی ئەوەشی گوتووە كە گەلانی عێراق تەنها ئەنجامیان لە حكومەتەكەی دەوێت و هیچی تر نا، چونكە ئەوان تاكە بەرپرسیارن لە وڵاتەكەدا.

سەرۆك وەزیرانی عێراق بەڵێنیشی داوە، كە نەخەون تا بكوژانی هاشمی دەستگیر دەكەن و رادەستی دادگایان دەكەن.

سەرۆکوەزیرانی عێراق باسی لەوە کردووە، ئەوەی دەستی لە خوێنی عێراقییەکاندا بێت دەدرێتە دادگا و رێگە بە “سیاسەتی پاشاگەردانی و مافیا” نادەن.

سەرۆکی هەرێمی کوردستان هەڵوێستی خۆی راگەیاند

رۆژی سێشەممە 07-07-2020 ، نێچیرڤان بارزانی، سەرۆکی هەرێمی کوردستان توویتێکی لەبارەی تیرۆرکردنی هیشام هاشمی بڵاوکردەوە و تێیدا دەڵێت “به‌ تووندی سه‌رکۆنه‌ی تیرۆرکردنی لێکۆڵه‌ر و پسپۆڕی ئه‌منی عێراقی هیشام ئه‌لهاشمی ده‌که‌م که‌ دوێنێ لە هێرشێکی پلان بۆ داڕێژراودا له‌ به‌غدا تیرۆر کرا.”

سەرۆکی هەرێمی کوردستان وێڕای پرسە و سەرەخۆشی لە کەسوکاری هیشام هاشمی، داوا لە لایەنەکانی عێراق دەکات “تیرۆریستان بدۆزنه‌وه‌ و بیاندەنە دادگا”.

هەڵوێستی یۆنامی

نوێنەرایەتیی نەتەوە یەکگرتووەکان لە عێراق (یونامی) سەرکۆنەی کوشتنی هیشام هاشمی دەکات و دەڵێت، جێنین پلاسخارت، نێردەی تایبەتی نەتەوەیەکگرتووەکان لە عێراق بە هەواڵی کوشتنی د. هیشام هاشمی تووشی شۆک بوو. دەشڵێت “زۆر بە تووندی ئەم تاوانە قێزەون و ترسنۆکانە سەرکۆنەدەکەین و داوا لە حکومەت دەکەین زوو ئەنجامدەرانی ئەو تاوانە بدۆزێتەوە و سزایان بدات.”

هەڵوێستی سەرۆکۆمار

بەرهەم ساڵح، سەرۆککۆماری عێراق لە توویتەر لەبارەی تیرۆرکردنی هیشام هاشمی نووسیویەتی “تیرۆرکردنی هیشام هاشمی، لێکۆڵەری راستگۆ و نیشتمانپەروەری عێراق لەسەردەستی لەیاسا دەرچووان، تاوانێكی قێزەونە کە مرۆڤی عێراق و مافی خۆی بە ژیانێكی شکۆمەندانە دەکاتە ئامانج”.

لە بەشێکی دیکەی توویتەکەدا سەرۆککۆماری عێراق تیرۆرکردنی هیشام هاشمی بە “تاوانێکی دڕندانە” ناودەبات و دەشڵێت “ئەو تاوانە دڕندەیە ئەو بەها بەرزانەی وڵاتمانی کردووەتە ئامانج کە ئێمە لە قۆناخی دوای سەردەمی دیکتاتۆرییەت بۆ نیشتمانمان دەستنیشانمان کردوون”.

سەرۆککۆماری عێراق ئاماژە بەوەش دەدات، “کەمترین ئەرکی سەر شانمان دۆزینەوەی تاوانباران و دادگاییکردنیانە تاوەکو ئاسایش و ئاشتی بۆ وڵاتەکەمان دابینبکەین.

سەرۆکی پەرلەمانی عێراق

محەمەد حەلبوسی سەرۆكی ئەنجومەنی نوێنەرانی عێراق، سەركۆنەی تیرۆركردنی هاشم هاشمی شارەزای ئەمنی كرد و له‌ڕاگه‌یه‌ندراوێكدا ڕایگەیاند “لەكاتێكدا سەركۆنەی ئەو كردەوە قێزەونە دەكەین كە دەستی گەیشتە دكتۆر هاشم هاشمی شارەزای ئەمنی بە تیرۆر كردنی لە ناوەڕاستی بەغەدا لەلایەن چەكدارانی نەناسراوەوە، داواش لەدەزگاكانی حكومەت دەكەین لێكۆڵینەوەكان بۆ ڕای گشتی ئاشكرا بكەن، و لایەنە تێوەگلاوەكانیش لەو كردەوە ترسنۆكانەیە بەپەلە ئاشكرا بكەن، بەتایبەت دوای دووبارەبونەوەی كردەوەكانی رفاندن و تیرۆركردنی ژمارەیەك كەسایەتی و دەنگە نیشتمانییەكان”.

سەرۆكی ئەنجومەنی نوێنەران جەختیشی كردەوە، كە پێویستە دەزگا ئەمنییەكان لەئاستی بەرپرسیارێدابن، و ئاستێك بۆ ئەو كەسانە دابنێن، كە لە یاسا لایانداوە و بونەتە مەترسی بۆ سەر ئاسایشی هاوڵاتیان.

سەرۆکی حکومەتی هەرێمی کوردستان

مەسرور بارزانی سەرۆكی حكومەتی ھەرێمی كوردستان، رۆژی سێشەممە 7-7-2020, لە پەیامێكدا رایگەیاند، تیرۆرکردنی شرۆڤەکاری سیاسی و کاروباری ئەمنیی عێراقی (هیشام هاشمی) بە تووندی سەرکۆنە و شەرمەزار دەکەم.

بارزانی دەشڵێت، هیوادارم ئەنجامدەرانی تاوانەکە بە زووترین کات بدۆزرێنەوە و بە سزای خۆیان بگەن.

موقتەدا سەدر-یش هەڵوێستی وەرگرت

دوێنێ سێشەممە موقتەدا سەدر، رێبەری رەوتی سەدر، لە هەژماری خۆیدا لە تۆڕی كۆمەڵایەتیی “تویتەر” نووسیویەتی “نابێ كوشتنی قێزەونانەی برای شەهیدمان هیشام هاشمی بەبێ سزادان تێپەڕێت”.

هەروەها هۆشداری دا لەوەی وڵاتەكە بەرەو ئاقاری توندڕەوی بخزێندرێ و گوتی عێراق ئێستا پێویستی بە ئاشتیە.

سەدر دووپاتیشی كردووەتەوە كە كوشتنی هاشمی نابێتە هۆی دەمبەستنی هەقبێژان.

ئەوانەی لە دەورووبەری کازمی-ن
هەڕەشەیان لەسەرە

موحسن عوسمان، ئەندامی ئەنجومەنی نوێنەرانی عێراق لە خولی پێشوو، بەنوچەی راگەیاند: ئاڵۆزی لە رۆژهەڵاتی ناوەڕاست و بە تایبەتی عێراق، هەر گۆڕانکارییەک بکرێت کە لە بەرژەوەندی خەڵکدا بێت، یان ئەوانی هەموو شتێک لەدەستیاندایە، جۆرێک لە داگیرکردنی ماڵ و سامانی خەڵک و ناوستن و هەموو چەکی خۆیان بە کار دەهێنن. دیارە ئەوانیش نە چەکێکی عەقڵی و نە چەکێی یاسایی و دەستوورییان هەیە، تەنیا چەکی هەڕەشە و تیرۆریان لەبەردەستە.

موحسن عوسمان دەشێت، د. هیشام هاشمی، کەسێک بووە لە بواری ئابووری و کۆمەڵایەتی و دژایەتی دەسەڵاتی حکومەتی ئایینی دەکرد و داوای دادپەروەری بۆ خەڵک دەکرد، بۆیە ئەمەش لەبەرژەوەندی دز و گەندەڵ نییە لە عێراق.

ئەوانەی لە دەورووبەری کازمی-ن هەڕەشەیان لەسەر دەبێ

ئەو پەرلەمانتارەی پێشوو ئەوەشی خستەڕوو، کە هاشمی راوێژکاری کۆمەڵایەتی کازمی بووە، هەروەها خودی کازمیش دژی ئەو دز و گەندەڵانەیە لە هەموو بوارەکاندا، بۆیە ئەوانەی لە دەورووبەری کازمین هەڕەشەیان لەسەر دەبێت.

هەر شتێ لە عێراق روو بدات، یان دەستی ئێران یان سعودیە یان تورکیای تێدایە، بێجگە لە دەستوەردانی ناوخۆیی لە دەیان گروپی چەکدار و مەزهەبی پێکهاتوون. بەڵام لە هەمووان زیاتر دەستی ئێرانی تێدایە و ئەمەش بۆ رێگە گرتنە لە کار و پلانی کازمی.

هیشام هاشمی کێیە:

This image has an empty alt attribute; its file name is b7e6fcce-2b51-4449-b1b3-cbedf4b37591.JPG
  • لە 1973 لە بەغدا لە دایکبووە
  • مێژوونووس و توێژەری کاروباری ئەمنی و ستراتیژی و گرووپە تووندئاژۆکان بوو
  • چەندین توێژینەوە لەسەر گروپە تووندئاژۆکان هەیە
  • بە کالۆریۆسی لە ئامار هەیە
Share.

About Author

بوچون نوسین داخراوە.

Social Media Auto Publish Powered By : XYZScripts.com