چارەنووسی پڕۆسەی خوێندن لەهەرێمی کوردستان چی بەسەر دێت؟

0

نەوزاد عەلی-سلێمانی

ئەندامێکی لیژنەی پەروەردە و خوێندنی باڵا لەپەرلەمانی کوردستان ڕایدەگەیەنێت، لیژنەکەمان لە پەرلەمان پلانی هەیە، کە لەگەڵ وەزارەتەکانی پەروەردە و خوێندنی باڵای حکومەتی هەرێم کۆببێتەوە و بۆ گفتوگۆ کردن لەسەر دیاریکردنی کاتی دەستپێکردنەوەی پڕۆسەی خوێندن لەهەرێمی کوردستان.  

وەزارەتی خوێندنی باڵاو توێژینەوەی زانستی حکومەتی هەرێمی کوردستان، لە ئێستادا ئامادەکاری دەکات بۆ چۆنیەتی دەستپێکردنەوەی پرۆسەی خوێندنی ساڵی 2020-2021 لە زانکۆ و پەیمانگاکانی هەرێمی کوردستان، وەزارەتی خوێندنی باڵا چەندین پیشنیاری ئامادەکردووە، یەکێک لەو پێشنیارانەش دەستپێکردنەوەی خوێندنی ئەلیکترۆنییە بەشێوەی ئۆنلاین لە 1-9-2020.         

ئەگەر چی تائێستا دیار نییە پرۆسەی خوێندنی ساڵی نوێ لە ناوەندەکانی سەر بە وەزارەتی پەروەردەی حکومەتی هەرێمی کوردستان کەی دەستپێدەکاتەوە، بەڵام وەزیری پەروەردە، ڕایگەیاندووە، وەزارەتەکەیان ئامادەکاری تەواو دەکات بۆ دانانی بەرنامە و پلانێک بۆ چونیەتی دەستپێکردنەوەی پرۆسەی خوێندن.     

لە لێدوانێکی تایبەت بە نوچە، عه‌باس ئه‌كره‌م، گوته‌بێژی وه‌زاره‌تی خوێندنی باڵا و تویژینه‌وه‌ی زانستی حکومەتی هەرێم، لە بارەی دەستپێکردنەوەی پرۆسەی خوێندن، ڕایگەیاند “تائێستا بڕیاری کۆتایی لەسەر دەستپێکردنەوەی پرۆسەی خوێندن لە زانکۆ و پەیمانگاکانی هەرێمی کوردستان نەدراوە، ئەوەی کە باس دەکرێت، تەنها پێشنیارە و هێشتا نەبووەتە بڕیار”.     

عه‌باس ئه‌كره‌م گوتیشی “بە لەبەرچاوگرتنى دۆخی تەندروستى هەرێمى کوردستان بەهۆى بڵاوبونەوەى پەتای کۆرۆنا (کۆڤید-19) و بەمەبەستى دیراسەکردن، خۆ ئامادەکردن و داڕشتنى پلان و ئەگەرەکان، وەزارەتەکەمان لیژنەیەکى باڵاى لە سەرۆكی زانکۆ حکومى و تایبەتەکان پێکهێناوە، بۆ چۆنیەتى دەستپێکردنەوەی دەوامى ساڵى خوێندنى (2020-2021) لە زانکۆکانى هەرێم بە رەچاوکردنى ستانداردە جیهانییەکان”.    

گوتەبێژەکەی وەزارەتی خوێندنی باڵا و توێژینەوەی زانستی حکومەتی هەرێم، ئاماژە بەوەشدەکات، کە یەکێك لە پێشنیارەکانى لیژنەکە، کە هێشتا نەبووه‌تە بڕیار، پێشنیارکراوە خوێندنى زانکۆ و پەیمانگەکان بەشێوەى ئەلیکترۆنى لە 1ی 9 وە دەستپێبکات. جەختیشیکردەوە “وەزارەتەکەیان باشترین بژاردە بۆ کارنامەى ساڵى خوێندنى (2020-2021) جێبەجێ دەکات و لەشێوەى رێنمایى بۆ سەرجەم خوێندکاران و قوتابیان بڵاوى دەکاتەوە”.

سەبارەت بە دەستپێکردنەوەی خوێندنی وەزارەتی پەروەردەی هەرێم، ڕێکان کەمال، بەڕێوەبەری ڕاگەیاندنی وەزرەتی پەروەردەی حکومەتی هەرێم، بەنوچەی، ڕاگەیاند “تائێستا هیچ کاتێکی فەرمی دیاری نەکراوە بۆ دەستپێکردنەوەی پرۆسەی خوێندنی ساڵی 2020-2021 لە ناوەندەکانی خوێندنی سەر بەوەزارەتی پەروەردەی حکومەتی هەرێم، چونکە هێشتا تاقیکردنەوەکانی خولی دووەمی پۆلە کۆتاکانی ١٢ نەکراوە”.     

ڕێکان کەمال، گوتیشی “وەزارەتی پەروەردەی حکومەتی هەرێم بەڕاوێژ لەگەڵ ئەنجومەنی وەزیرانی هەرێم و لیژنەی باڵای ڕووبەڕووبوونەوەی ڤایرۆسی کۆرۆنا، بڕیاری گونجاو دەدات لە بارەی دەستپێکردنەوەی پڕۆسەی خوێندنی وەزارەتی پەروەردەی حکومەتی هەرێم، هەرکاتێک بڕیاری کۆتایی لەسەر درا ئەوکاتە وەزارەتەکەمان بەفەرمی ڕادەگەیەنێت”.  

هەر سەبارەت بە دەستپێکردنەوەی پڕۆسەی خوێندن لە هەرێمی کوردستان، ئاشنا عەبدوڵا، ئەندامی لیژنەی پەروەردە و خوێندنی باڵاو توێژینەوەی زانستی لە پەرلەمانی کوردستان بەنوچەی، گوت “بڕیاری دەستپێکردنەوەی پڕۆسەی خوێندن لە زانکۆ و پەیمانگاکانی هەرێمی کوردستان و وەزارەتی پەروەردەی حکومەتی هەرێم، هێشتا بڕیاری کۆتایی لەسەر نەدراوە کەی دەستپێ بکاتەوە، ئەوە پەیوەندی بە بڕیارەکانی ئەنجوومەنی باڵای ڕووبەڕووبوونەوەی ڤایرۆسی کۆرۆناوە هەیە”.     

ئاشنا عەبدوڵڵا دەشڵێت “وەک لیژنەی پەرلەمانی کوردستان، پلانمان هەیە، کە لەگەڵ هەردوو وەزارەتی پەروەردە و خوێندنی باڵای حکومەتی هەرێم کۆببینەوە، گفتوگۆ لەسە کاتی دەستپێکردنەوەی پرۆسەی خوێندن لە هەرێمی کوردستان بۆ هەردوو وەزارەتی پەروەردە و خوێندنی باڵا بکەین، بۆئەوەی بەباشترین شێوە خوێندنی ساڵی نوێ دەستپێ بکاتەوە، کە لێی زیاند مەند نەبین”.   

پێشنیار و ڕێنماییەکانی وەزارەتی خوێندنی باڵاو توێژینەوەی زانستی بۆ دەستپێکردنەوەی پڕۆسەی خوێندن لە زانکۆ و پەیمانگاکانی هەرێمی کوردستان:

Share.

About Author

بوچون نوسین داخراوە.

Social Media Auto Publish Powered By : XYZScripts.com