وه‌زاره‌تى پێشمه‌رگه‌ روونكردنه‌وه‌ له‌سه‌ر بینینى داعش له‌ ناحیه‌كى كۆیه‌ ده‌دات

0

شلێر سه‌عید ، تایبه‌ت به‌ نوچه‌ نێت

شه‌وى رابردوو تیرۆریستانى داعش له‌ ناحیه‌ى سێگردكانى قه‌زاى كۆیه‌ بینراون، وه‌زاره‌تى پێشمه‌رگه‌ له‌سه‌ر ئه‌و رووداوه‌ ده‌ڵێ، “تیرۆریستان سوودیان له‌ دوورى نێوان پێشمه‌رگه‌ و هێزه‌كانى عێراق بینیوه‌ و بۆیه‌ هه‌ندێك جموجۆڵ ده‌كه‌ن”.

به‌گوێره‌ى ئه‌و زانیارییانه‌ى ئه‌مڕۆ بڵاوكراونه‌ته‌وه‌، چه‌ند چه‌كدارێكى كه‌ ده‌گوترێ سه‌ربه‌ رێكخراوى تیرۆریستى داعش بوون، شه‌وى رابردوو له‌ نزیك ناحیه‌ى سێگردكان بینراون و هه‌ڵیانكوتاوه‌ته‌ سه‌ر ماڵان و ته‌قیان له ‌خه‌ڵك كردووه‌.

له‌ماوه‌ى چه‌ند هه‌فته‌ى رابردوودا رووداوى له‌م شێوه‌یه‌ له‌ چه‌ند ناوچه‌یه‌كى وه‌ك مه‌خموور و كه‌ركووك دووباره‌ بووه‌وه‌. بابه‌كر پشده‌رى به‌رپرسى راگه‌یاندن و رۆشنبیرى له‌ وه‌زاره‌تى پێشمه‌رگه‌ له‌سه‌ر ئه‌و رووداوانه‌ له‌ لێدوانێكى بۆ نوچه‌نێت، گوتى “داعش سوود له‌و ناوچانه‌ وه‌رده‌گرن كه‌ پێشمه‌رگه‌ و هێزه‌كانى عێراق له‌ یه‌كتر دوورن”.

بابه‌كر پشده‌رى باسى له‌وه‌یش كرد ئه‌وان پلانێكیان داناوه‌ بۆئه‌وه‌ى لێكۆڵینه‌وه‌ له‌و ناوچانه‌ بكه‌ن كه‌ رووداوى له‌ شێوه‌ى شه‌وى رابردوودى تێدا روو ده‌دات و گوتى، “هه‌وڵ ده‌ده‌ین له‌ لیژنه‌ى هاوئاهه‌نگى له‌گه‌ڵ هێزه‌ عێراقییه‌كان ئه‌و بۆشاییانه‌ پڕ بكه‌ینه‌وه‌ كه‌ دروست بوون”.

Share.

About Author

بوچون نوسین داخراوە.

Social Media Auto Publish Powered By : XYZScripts.com