ئۆکراینا رێککەوتنێکى گرنگ لەگەڵ تورکیا و رووسیا هەڵدەوەشێنێتەوە
نوچە نێت
ئەمڕۆ هەینى (19/ نيسان/ 2024) ماڵپەڕى (عەرەبى 21) وردەکاریى راپۆرتێکى ماڵپەڕى نیوز رەى رووسى بڵاوکردەوە، کە تێیدا جەخت لەسەر ئەوە دەکاتە دەقى رێککەوتنى کۆتایى نێوان تورکیا و ئۆکراینا و رووسیا بۆ پارێزگارى لە هاتوچۆى کەشتییەکان لەلاى بەرپرسانى ئەنقەرەیە، ئەو رێککەوتنە دەسەڵاتدارانى ئۆکراینا پێشێلیان کردووە.
ئەو ماڵپەڕە باس لەوەش دەکات بڕیار بوو مانگى رابردوو رەجەب تەیب ئەردۆغان سەرۆک کۆمارى تورکیا دەقى رێککەوتنەکە لەدواى رەزامەندى ئۆکراینا بڵاوبکاتەوە، بەڵام لە چرکە ساتى کۆتایى بە شێوەیەکى چاوەڕواننەکراو ئۆکراینا بەبێ هۆکار رەتیکردەوە واژۆ لەسەر ئەو رێککەوتنە بکات.
ڤاسیلى داندیکین، پسپۆڕى رووسى لە بوارى سەربازى جەخت لەسەر ئەوە دەکاتەوە ئەو هەنگاوەى ئۆکراینا ئاماژەیە بۆ ئەوەى پیلانیان هەیە هێرش بکەنە سەر کەشتییە مەدەنییەکانى رووسیا لە دەریاى رەش، شکستى رێککەوتنەکان ئاماژەیە بۆ ئەوەى ئۆکراینا بە لۆژیکى جەنگ لە دەریاى رەش وەک چەتەکانى سۆماڵ مامەڵە دەکەن.
سەبارەت بە هەڵوێستى رووسیا لەسەر ئەو راپۆرتانە، دیمترى بیسکۆڤ، سکرتێرى رۆژنامەوانى ڤلادیمێر پووتین جەخت لەسەر ئەوە دەکاتەوە، ئەنقەرە و مۆسکۆ بۆ دۆخى دەریاى رەش لە گفتوگۆدان، ئێمە چەندین بابەتى جۆراوجۆرمان لەنێوان لەگەڵ هاوبەشە تورکەکانمان، یەکێک لەو پرسانە پەیوەستە بە دەریاى رەش.
لەدواى هێرشەکانى رووسیا بۆ سەر ئۆکراینا، بە نێوەندگیرى تورکیا رێککەوتنى پارێزگارى لە هاتوچۆى کەشتییە مەدەنییەکان لە دەریاى رەش واژۆکرا.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment