سه‌رۆك نێچيرڤان بارزانى: ئەرکی سەرشانمانە قوربانییانی شەڕ و تیرۆر بەتەنیا جێنەهێڵین
نوچە نێت:
ڕۆژی يه‌كشه‌ممه (2026/11/1) لە ڕێورەسمێکی تایبەتدا لە زانكۆى دهۆك يادى (10) ساڵه‌ى دامه‌زراندنى (په‌يمانگه‌ى چاره‌سه‌رى ده‌روونى و تراوما) بەڕێوەچوو، كه ژماره‌يه‌كى به‌رچاوى ئێزدييان و ميوانانى ناوخۆيى و بيانى ئاماده‌ى بوون.
له ڕێوڕه‌سمه‌كه‌دا وتارى سەرۆک نێچيرڤان بارزانى، سه‌رۆكى هه‌رێمى كوردستان پێشكه‌ش كرا كه له‌لايه‌ن دلشاد شهاب، ياريده‌ده‌رى سه‌رۆكى هه‌رێمى كوردستانه‌وه خوێندرايه‌وه.
دەقی پەیامی سەرۆک نێچیرڤان بارزانی سەرۆکی هەرێمی کوردستان:
ئاماده‌بوويێن هێژا،
ڕۆژ باش..
ده‌ستخۆشى و سپاس و پێزانينان پێشكێشى (پەیمانگەها چارەسەریا دەروونی و تراوما) ل زانکۆیا دهۆک و هه‌ڤپشكێن وێ دكه‌م ژبۆ ئەنجامدانا ڤێ چالاكيێ، هه‌روه‌سا ژبۆ كارێ وێ يێ گرنگ يێ هاریکاریکرن و كێمكرنا ئێش و مه‌ينه‌تى يێن وان کەسێن ژ ئه‌نجامێ شەڕ، تیرۆر و توندوتیژیێ نالاندین.
به‌رى ده‌هـ سالان دامه‌زراندنا ڤێ په‌يمانگه‌هێ پێنگاڤه‌كا گرنگ و پێويست بوو داكو بشێت خزمه‌تا قوربانييان بكه‌ت. ئه‌ڤ كارێ زانكۆيا دهۆك، كاره‌كێ بهادار و هێژايه كو دگه‌ل ئه‌ركێ خۆ يێ زانستى و ئه‌كاديمى، گرنگيى دايه بواره‌كێ كاريگه‌رێ ناڤ جڤاكێ ژى. هيڤيدارين ئه‌ڤ نموونه‌يه زێده‌تر ببن و به‌رفه‌هتر گرنگى پێ بێته‌دان.
گەلێ کوردستانێ و عیراقێ سالێن درێژ یێن شەڕ و نەهامەتیێ ده‌رباز كرن. گەلەک هه‌ڤوه‌لاتى يێن مه، کەسوکار و مالێن خۆ ژ دەست دان، خەلکەکێ دی ژی نەچار بوو دەڤەرێن خۆ بهێلن و دویرى وار و جهێن خۆ بژین. جینۆسایدا كو داعشێ ب سه‌رێ ئێزدييا ئيناى، ئێک ژ هۆڤانه‌ترين وان کارەساتان بوو.
كاريگه‌رى يێن ڤێ مه‌ينه‌تيێ بتنێ ب دويماهیهاتنا شەڕان، یان زڤڕینا خەلکی بۆ سه‌ر مال و جهێن خۆ؛ ب دويماهی ناهێن. هنده‌ك برین هەنە د دەروون و كويراهيا مرۆڤاندا دمینن. پێدڤی دەمێ و چاڤدێریێنە داكو چاره‌سه‌ر ببن. ئەرکێ سەر ملێ مەیە ئەو کەسێن كو تويشی ڤان کارەساتان بووین، بتنێ نەهێلین. دڤێت هاریکاریا وان بکەین داكو ژیان، باوەری و ئومێدا وان ب پاشەڕۆژه‌كا باشتر، ڤه‌گه‌ڕيت.
ئاماده‌بوويێن هێژا..
ئەو خزمەتگوزاریێن چارەسەريیا دەروونی یێن كو ئه‌ڤ پەیمانگەهه ل دهۆکێ و شنگالێ پێشکێش دکەت، هه‌روه‌سا هه‌ولێن وێ ژبۆ ئاماده‌كرنا پسۆڕان، هەژی هەمی ده‌ستخۆشى و پێزانینانە. كارێ ڤێ پەیمانگەهێ بتنێ نه هاریکاریا زیانڤێکەفتیانه ژبۆ نه‌هێلانا ئازارێن وان، بەلکى پێگەیاندنا کادرێن ژێهاتی ژى كاره‌كێ گرنگه داکو بشێن پاشەڕۆژێ بەردەوامیێ بده‌نه ڤی ئه‌ركێ گرنگ و بشێن خزمەتا جڤاکێ بکەن.
له‌وما ديسا دخازم سپاسی و ده‌ستخۆشيێ ل زانکۆیا دهۆک، سەرپەرشتیارێن پەیمانگەهێ و هەمی کارمەندێن وێ بکەم ژبۆ بزاڤێن وان یێن دڵسۆزانە.
هەروەسا سپاس و پێزانین ژبۆ حكوومه‌ت و زانکۆ و ناڤەندێن ئه‌ڵمانيا كو پشتەڤانیيا ڤێ پرۆژەيا مرۆڤایەتی دكه‌ن. ئەلمانیا د دەمێن گراندا پشته‌ڤانييا گەلێ کوردستانێ كريه. ئه‌م گه‌له‌ك ب ڕێز و پێزانين ل پشته‌ڤانى و هاريكارييا وان يا بەردەوام دنێڕين، بتایبەتى هاریکارييا وان ژبۆ ڕزگاربوویێن دەستێ تاوانێن داعشێ.
ئامادەبوویێن هێژا،
ئەو کەس و قوربانى يێن كو ژبه‌ر كاريگه‌رى يێن شەڕ و ترۆمایێن دەروونی دنالن، پێدڤی وێ یەکێنە هەست بکەن کو نه بتنێنه. پێدڤييه ببينن كو هنده‌ك هەنە خزمه‌ت و چاڤدێرى و هاريكارييا وان دکەن. یا گرنگە هەمی ئەو کەسێن پێدڤی ب هاریکاریا دەروونی هەی؛ بزانن کو داخازکرنا چارەسەریێ کارەکێ ئاسایییە و چێنابیت کەس لسەر ڤێ یەکێ، هەستێ ب شەرمێ یان نەئارامیێ بکەت.
ژ بەر هندێ ژی، ته‌ئكيدێ لسەر گرنگیا بەردەواميیا پشتەڤانیيا حکوومی و نێڤدەولەتی دکەین بۆ ڤان بزاڤان، هه‌روه‌سا ته‌ئكيدێ لسەر بەرفرەهکرنا خزمەتگوزاریێن چارەسەریا دەروونی دكه‌ين داكو بگەهنە هەمی کەسێن پێدڤی پێ هەی، بتایبەتی ل وان دەڤەرێن کو ژ تیرۆر و دەربەدەریێ؛ نالاندین.
دڤێت هه‌مى قوربانى و گەلێ مە ژ کارتێکرن و كاريگه‌رى يێن وێ قۆناغێ ساخ ببن و ڕزگاربووی و زیانڤێکەفتی بشێن ب تەناهی، کەرامەت و ئومێدەکا مەزن بەردەوامیێ بده‌نه ژیانا خۆ.
هه‌ر دڤێ ده‌ليڤێدا ته‌ئكيدێ دكه‌ين كو هه‌رگاڤ دێ مينين هاريكار و پشته‌ڤانێن هه‌مى مافێن هه‌ڤوه‌لاتى يێن مه يێن ئێزدى و هه‌ر كار و پلانه‌ك ژبۆ چاره‌سه‌ركرنا كێشه‌يێن وان ل شه‌نگالێ و ل هه‌ر ده‌ره‌كێ، دڤێت لدويڤ داخازى و به‌رژوه‌ندى يێن وان بن.
لدويماهيێ، سپاس و پێزانینان ژبۆ هەمی وان کەسان دوباره دكه‌ين یێن كو پێخەمەتى ڤێ ئارمانجا مرۆڤاهی یا پیرۆز کار دکەن. هیڤیا به‌رده‌وامى و سەرکەفتنێ ژبۆ (پەیمانگەها چارەسەریا دەروونی و تراوما) ل زانکۆیا دهۆک دخازم.
گەلەک سپاس.
نێچيرڤان بارزانى
سه‌رۆكێ هه‌رێما كوردستانێ
1/11/202
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment