جێگری یه‌که‌می سه‌رۆکی پەرلەمانى عێراق سوپاسى سەرۆکى هەرێمى کوردستان دەکات کوردستانی

نوچەنێت:

سەرۆک نێچیرڤان بارزانى، سەرۆکى هەرێمى کوردستان لە دیدارێکدا لەگەڵ محسن مه‌نده‌لاوی، جێگری یه‌که‌می سه‌رۆکی ئه‌نجومه‌نی نوێنه‌رانی عێراق جەخت لە هەماهەنگى نێوان لایەنە سیاسییەکان دەکەنەوە.

ئەمڕۆ شەممە (یەکى/تشرینى یەکەم/2022) سەرۆک نیچیرڤان بارزانی، سه‌رۆکی‌ هه‌رێمی کوردستان، پێشوازی له‌ محسن مه‌نده‌لاوی، جێگری یه‌که‌می سه‌رۆکی ئه‌نجومه‌نی نوێنه‌رانی عێراق کرد.

بەپێى ڕاگەیێندراوەکەى سەرۆکایەتیى هەرێمى کوردستان، "له‌ دیدارێکدا سه‌رۆک نێچیرڤان بارزانی، پیرۆزبایی له‌ به‌ڕێز مه‌نده‌لاوی کرد بۆ به‌ده‌ستهێنانی متمانه‌ی ئه‌نجومه‌نی نوێنه‌رانی عێراق و هه‌ڵبژاردنی به‌ جێگری یه‌که‌می سه‌رۆکی ئه‌نجومه‌نی نوێنه‌ران، هه‌روه‌ها هیوای سه‌رکه‌وتنی له‌ ئه‌رک و کاره‌کانیدا بۆ خواست."

محسن مه‌نده‌لاوی، جێگری یه‌که‌می سه‌رۆکی ئه‌نجومه‌نی نوێنه‌رانی عێراق، "لای خۆیه‌وه‌ سوپاسی سه‌رۆک نێچیرڤان بارزانی کرد و خۆشحاڵیی به‌ دیداری به‌ڕێزیان ده‌ربڕی."

هەروەک لە ڕاگەیێندراوەکەدا هاتووە، "تاوتوێکردنی دوایین پێشهاته‌کانی دۆخی سیاسیی عێراق و هه‌نگاوه‌کانی داهاتوو له‌ ئه‌نجومه‌نی نوێنه‌ران، ته‌وه‌رێکی دیکه‌ی دیداره‌که‌ بوو. تیایدا هه‌ردوولا جه‌ختیان له کاری پێکه‌وه‌یی و هه‌ماهه‌نگیی نێوان هه‌موو لایه‌نه‌ سیاسییه‌کان کرده‌وه‌ له‌پێناو سه‌قامگیری و تێپه‌ڕاندنی ته‌حه‌دییه‌کانی به‌رده‌م پرۆسه‌ی سیاسی له‌سه‌ر بنه‌مای به‌رژه‌وه‌ندییه‌ باڵاکانی وڵات و پاراستنی هاووڵاتیان و ڕه‌چاوکردنی ماف و داوا ڕه‌واکانیان."

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین